ஈரான் மீது தாக்குதல் நடத்தினால் பேரழிவு...! விடுக்கப்பட்டுள்ள பகிரங்க எச்சரிக்கை
ஈரான் மீது மீண்டும் தாக்குதல்கள் நடத்தப்பட்டால் எதிரிகளுக்கு மிகக் கடுமையான மற்றும் தீர்மானகரமான பதில் தாக்குதல் வழங்கப்படும் என எச்சரிக்கப்பட்டுள்ளது.
ஈரானிய ஆயுதப் படைகளின் தலைமை அதிகாரியான அலி அப்துல்லாஹி இந்த எச்சரிக்கையை விடுத்துள்ளார்.
அதேவேளை, முழு அளவிலான போர் மீண்டும் வெடித்தால் வளைகுடா பிராந்தியத்தில் உள்ள எண்ணெய் உள்கட்டமைப்புகள், கடலடி இணையக் கேபிள்கள் (Undersea cables), செயற்கை நுண்ணறிவு (AI) வசதிகள் மற்றும் தரவு மையங்கள் (Data centres) ஆகியவற்றை ஈரான் இலக்கு வைக்கும் எனவும் எச்சரிக்கப்பட்டுள்ளது.
தேசிய பாதுகாப்பு
ஈரானின் தேசிய பாதுகாப்பு உயர் சபையின் செயலாளர் மொஹ்சென் ரெசாய் (Mohsen Rezaei) இந்த எச்சரிக்கையை விடுத்துள்ளார்.
இந்தநிலையில் அலி அப்துல்லாஹி மேலும் தெரிவிக்கையில், எதிரிகளுக்கு மிகக் கடுமையான மற்றும் தீர்மானகரமான பதில் தாக்குதலை வழங்க நாங்கள் முழுச் சன்னத்த நிலையில் தயார் நிலையில் உள்ளோம் எனத் தெரிவித்துள்ளார்.
இதையடுத்து தெரிவித்த மொஹ்சென் ரெசாய் , போர் மீண்டும் தொடங்கும் பட்சத்தில் வளைகுடாப் பகுதியில் உள்ள அமெரிக்க மற்றும் அதன் கூட்டாளி நாடுகளின் எண்ணெய் உற்பத்தி நிலையங்கள் மற்றும் பாரசீக வளைகுடா கடலடியில் உள்ள பிரதான இணையத் தொடர்பாடல் கேபிள்கள் மீது தாக்குதல் நடத்தப்படும் எனக் குறிப்பிட்டுள்ளார்.
மேலும், பிராந்தியத்தில் உள்ள அமெரிக்காவுடன் தொடர்புடைய பல பில்லியன் டொலர் மதிப்புள்ள அதிநவீன செயற்கை நுண்ணறிவு மையங்கள், கிளவுட் கம்ப்யூட்டிங் தரவு மையங்கள் மற்றும் டிஜிட்டல் உள்கட்டமைப்புகள் அனைத்தும் ஈரானின் தாக்குதல் இலக்குகளின் பட்டியலில் புதிதாகச் சேர்க்கப்பட்டுள்ளதாக அவர் பகிரங்கமாக எச்சரித்துள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
குப்பிளான், London, United Kingdom, பிரான்ஸ், France
23 Oct, 2021
அனலைதீவு, உருத்திரபுரம், திருவையாறு, Cergy-Pontoise, France
03 Nov, 2025
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026
அராலி மேற்கு வட்டுகோட்டை, வேலணை 5ம் வட்டாரம், புத்தளம், Bergisch Gladbach, Germany
21 Oct, 2025
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024