லெபனானுக்கான ஹிஸ்புல்லா தளபதியை வீழ்த்தியது இஸ்ரேல்

Israel Lebanon

By Jaso Aug 16, 2026 11:53 AM GMT

Jaso

in உலகம்

Report

தெற்கு லெபனானின் அன்சார் மாநகராட்சியில் நடத்தப்பட்ட தாக்குதலில், லெபனானுக்கான ஹிஸ்புல்லாவின் மூத்த தளபதியான அபு ஹசன் அலாவைக் கொன்றதாக இஸ்ரேலிய இராணுவம் இன்று ஞாயிற்றுக்கிழமை கூறியுள்ளது.

அலா "ஹிஸ்புல்லாவின் 'பட்டர் யூனிட்'('Badder Unit'" )-இல் ஒரு மூத்த தளபதியாக இருந்தார்" என்றும், ஹிஸ்புல்லாவின் முக்கிய தலைமையகத்தை குறிவைத்த தாக்குதலில் அவர் கொல்லப்பட்டார் என்றும், "பாதுகாப்பு வலயத்தில்" இஸ்ரேலிய இராணுவத்திற்கு எதிராக ஹிஸ்புல்லா மேற்கொண்ட நடவடிக்கைகளுக்குப் பதிலடியாக இந்தத் தாக்குதல் நடத்தப்பட்டதாகவும் சமூக ஊடக தளமான X-இல் இஸ்ரேல் இராணுவம் தெரிவித்துள்ளது.

ஹிஸ்புல்லா உடனடியாக கருத்து தெரிவிக்கவில்லை

இஸ்ரேலிய அறிக்கை குறித்து ஹிஸ்புல்லா உடனடியாக கருத்து தெரிவிக்கவில்லை.

லெபனானுக்கான ஹிஸ்புல்லா தளபதியை வீழ்த்தியது இஸ்ரேல் | Israeli Army Killed Senior Hezbollah Commander

சனிக்கிழமையன்று, இஸ்ரேலிய பிரதமர் பெஞ்சமின் நெதன்யாகுவின் அலுவலகம், எல்லையருகே ஹிஸ்புல்லாவால் நடத்தப்பட்டதாகக் கூறப்படும் தாக்குதலில் மூன்று இஸ்ரேலிய வீரர்கள் படுகாயமடைந்ததாகக் கூறியது.

லெபனானில் தாக்குதல்களை தீவிரப்படுத்தியுள்ள இஸ்ரேல்

லெபனான் நிலப்பரப்பிலிருந்து இஸ்ரேல் படிப்படியாக வெளியேறுவதற்கும், இரு தரப்பினருக்கும் இடையே பேச்சுவார்த்தைகள் தொடர்வதற்கும் வழிவகுக்கும் பெய்ரூட்-டெல் அவிவ் கட்டமைப்பு ஒப்பந்தம் இருந்தபோதிலும், இஸ்ரேல், லெபனானுக்கு எதிரான இராணுவத் தாக்குதல்களைத் தீவிரப்படுத்தியுள்ள நிலையில் இந்த நிகழ்வுகள் ஏற்பட்டுள்ளன.

லெபனானுக்கான ஹிஸ்புல்லா தளபதியை வீழ்த்தியது இஸ்ரேல் | Israeli Army Killed Senior Hezbollah Commander

பல மாதப் பேச்சுவார்த்தைகளுக்குப் பிறகும், மார்ச் 2 அன்று தொடங்கிய லெபனானுக்கு எதிரான தனது இராணுவ நடவடிக்கையை இஸ்ரேல் தொடர்கிறது.

லெபனான் அதிகாரிகளின் கூற்றுப்படி, இந்த நடவடிக்கைகளில் குறைந்தது 4,335 பேர் கொல்லப்பட்டுள்ளனர், 12,277 பேர் காயமடைந்துள்ளனர், மேலும் 10 லட்சத்திற்கும் அதிகமானோர் இடம்பெயர்ந்துள்ளனர்.