இராணுவத்தின் அடுத்த இலக்கு ரஃபா: இஸ்ரேல் அதிரடி
பாதுகாப்பான வலயமாக அறிவிக்கப்பட்டிருந்த ரஃபா தான் இஸ்ரேலிய இராணுவத்தின் அடுத்த இலக்கு என இஸ்ரேலிய பாதுகாப்பு அமைச்சர் கேலண்ட் தெரிவித்துள்ளார்.
இது தொடர்பில் மேலும் தெரிவித்துள்ள அவர், “எமது இஸ்ரேல் ராணுவம் கான் யூனிஸில் பணியை முடித்த பிறகு விரைவில் ரஃபா எல்லையை அடைந்து, அதன் எல்லைப் பகுதிகளில் உள்ள ஹமாஸ் பிரிவுகளை அழிக்கும்.
இந்த நடவடிக்கைகள் பயங்கரவாதக் குழுவின் போரிடும் திறனை கடுமையாக பலவீனப்படுத்தும்.” என குறிப்பிட்டுள்ளார்.
இஸ்ரேலிய இராணுவத்தின் அடுத்த இலக்கு
இந்நிலையில், இஸ்ரேலினால் நடத்தப்பட்ட தாக்குதலில் கடந்த இரண்டு நாட்களில் மட்டும் 105 பலஸ்தீனியர்கள் பலியாகியுள்ளனர்.
மேலும், இஸ்ரேலினால் பாதுகாப்பான வலயமாக அறிவிக்கப்பட்ட ரஃபா நகருக்கு சுமார் 1.9 மில்லியன் பலஸ்த்தீனியர்கள் இடம்பெயர்ந்துள்ளனர்.
இந்நிலையில் இஸ்ரேல் பாதுகாப்பு அமைச்சரின் இந்த அறிவிப்பானது, சர்வதேச நாடுகளிடையே அதிர்ச்சியை ஏற்படுத்தியுள்ளதோடு, பேசுபொருளாகவும் மாறியுள்ளது.
இஸ்ரேல் ஹமாஸ் போரானது, 4 மாதங்களை கடந்தும் தொடர்ந்து கொண்டிருக்கின்றமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP இல் இணைந்து கொள்ளுங்கள்...! |
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
