யாழில் இடம்பெறும் திருட்டுச்சம்பவங்கள்: காணொளியை வெளியிட்டுள்ள காவல்துறையினர்

Sri Lanka Police Jaffna Nothern Province

By Aadhithya Jul 31, 2024 02:50 PM GMT

Aadhithya

in சமூகம்

Report

யாழ் மாவட்டத்தின் பல்வேறு பகுதிகளிலும் இடம்பெற்ற திருட்டு மற்றும் கொள்ளைச் சம்பவங்களில் ஈடுபடுகின்ற நபர்கள் தொடர்பாக காவல்துறையினர் மக்களின் உதவியை நாடியுள்ளனர்.

இது தொடர்பான சிசிரிவி கமரா காணொளிகளை வெளியிட்டுள்ள காவல்துறையினர், அதில் உள்ள நபர்கள் தொடர்பாக பொதுமக்கள் யாருக்கேனும் தகவல் தெரிந்தால் அறிவிக்குமாறு காவல்துறையினர் கோரியுள்ளனர்.

அந்தவகையில், யாழ்ப்பாணம் (Jaffna), நல்லூர் (Nallur), கோப்பாய், கொக்குவில், மானிப்பாய் பகுதிகளில் பொருத்தப்பட்ட சிசிரிவி கமராக்களில் இருந்தே காணொளிகளை காவல்துறையினர் வெளியிட்டுள்ளனர்.

சில நபர்கள்

அவ்வாறு வெளியிடப்பட்டுள்ள, காணொளிகளில் துவிச்சக்கரவண்டிகளில் முகங்களை மறைத்தவாறு சில நபர்கள் நடமாடுவது அவதானிக்கப்பட்டுள்ளது.

இது தொடர்பான தகவல் தெரிந்தவர்கள் யாழ்ப்பாண பிராந்திய சிரேஷ்ட காவல்துறை அத்தியட்சகர் அலுவலகத்திலோ அல்லது அருகில் உள்ள காவல் நிலையத்திலோ தகவலளிக்குமாறு கோரப்பட்டுள்ளது.

அவ்வாறு தகவல் தருபவர்களுக்கு தக்க சன்மானம் வழங்கப்படும் என யாழ்ப்பாண பிராந்திய சிரேஷ்ட காவல்துறை அத்தியட்சகர் சூரிய பண்டார கோரிக்கை விடுத்துள்ளமை குறிப்பிடத்தக்கது.