யாழில் மயங்கி விழுந்து குடும்பப் பெண் உயிரிழப்பு

Jaffna Sri Lanka Police Investigation

By Dhilak Mar 17, 2024 11:53 PM GMT

Dhilak

in சமூகம்

Report

அயல் வீட்டில் தண்ணீர் வாங்கி குடித்துவிட்டு படலைக்கு வெளியே வந்த குடும்பப் பெண்ணொருவர் கீழே மயங்கி விழுந்து உயிரிழந்துள்ளார்.

குறித்த சம்பவமானது, நேற்றைய தினம்(17) இடம்பெற்றுள்ளது.

உயரிழந்த பெண் அயல்வீட்டுக்காரருடன் பேசுவதில்லை. இந்த நிலையில் நேற்று அவரது வீட்டில் இருந்து சுமார் 30 மீற்றர்கள் தூரத்தில் உள்ள அயல் வீட்டுக்கு சென்று தண்ணீர் தருமாறு கேட்டு வாங்கி குடித்துவிட்டு தனது வீட்டுக்கு செல்வதற்கு வெளியே வந்துள்ளார்.

காவல்துறையில் முறைப்பாடு

அதன்போது, அவர் வீதியில் மயங்கி விழுந்ததையடுத்து உடனே அங்கிருந்தவர்கள் அவரை தூக்கி அவரது வீட்டுக்கு கொண்டு செல்லும்போது உயிரிழந்துள்ளார்.

யாழில் மயங்கி விழுந்து குடும்பப் பெண் உயிரிழப்பு | Jaffna Family Woman Has Been Beaten To Death

சம்பவத்தில் வட்டுக்கோட்டை - தொல்புரம் கிழக்கு, சுழிபுரம், சிவபூமியடி பகுதியைச் சேர்ந்த இராசேந்திரம் செல்வரதி (வயது 49) என்ற குடும்பப் பெண்ணே இவ்வாறு உயிரிழந்துள்ளார்.

இது குறித்து உயிரிழந்த பெண்ணின் கணவன் வட்டுக்கோட்டை காவல் நிலையத்தில் முறைப்பாடு பதிவு செய்துள்ளார்.

மேலதிக விசாரணை

அதேவேளை, பெண்ணுக்கும் அவரது கணவருக்கும் அடிக்கடி தகராறு ஏற்பட்டு, கணவர் அவரை தாக்குவதாக அயலவர்கள் தெரிவித்துள்ளனர்.

யாழில் மயங்கி விழுந்து குடும்பப் பெண் உயிரிழப்பு | Jaffna Family Woman Has Been Beaten To Death

இருப்பினும் தாயார் வழமையாக பாவிக்கும் மாத்திரைகளை விழுங்கிவிட்டு அயல்வீட்டுக்கு சென்றதாக அவரது மகள் தெரிவித்துள்ளார்.

மேலும், இது கொலையா அல்லது இயற்கை மரணமா என்ற விபரங்கள் வெளியாகவில்லை.

சம்பவம் தொடர்பில் வட்டுக்கோட்டை காவல்துறையினர் மேலதிக விசாரணைகளை மேற்கொண்டு வருகின்றதோடு உயிரிழந்தவரின் சடலமானது உடற்கூற்று பரிசோதனைக்காக யாழ்ப்பாணம் போதனா வைத்தியசாலைக்கு கொண்டு செல்லப்படவுள்ளது.