நீர்கொழும்பு சிறைச்சாலை சம்பவம் : பொறுப்பேற்கும் நீதியமைச்சர்

Negombo Prisons in Sri Lanka Harshana Nanayakkara

By Jaso Jul 06, 2026 01:33 PM GMT

Jaso

in அரசியல்

Report

25 கைதிகள் உயிரிழக்கக் காரணமான நீர்கொழும்பு சிறைச்சாலை கலவரத்திற்குத் தாம் பொறுப்பேற்பதாக நீதி அமைச்சர் ஹர்ஷன நாணயக்கார தெரிவித்துள்ளார்.

தனது அதிகார வரம்பிற்குட்பட்ட சிறைச்சாலையில் இந்தச் சம்பவம் நிகழ்ந்துள்ளதாகவும், எனவே இந்த நிலைமைக்குத் தாம் பொறுப்பேற்க வேண்டும் என்றும் அவர் கூறினார்.

நிலைமை தற்போது கட்டுப்பாட்டில்

நீர்கொழும்பு சிறைச்சாலையில் நிலைமை தற்போது கட்டுப்பாட்டில் உள்ளதாக அமைச்சர் குறிப்பிட்டார். உயிரிழப்புகள் ஏற்றுக்கொள்ள முடியாதவை என்றும், எதிர்காலத்தில் இதுபோன்ற சம்பவங்கள் மீண்டும் நிகழாமல் தடுக்க நடவடிக்கைகள் எடுக்கப்படும் என்றும் அவர் மேலும் தெரிவித்தார்.

நீர்கொழும்பு சிறைச்சாலை சம்பவம் : பொறுப்பேற்கும் நீதியமைச்சர் | Justice Minister Visits Negombo Prison

அதிகாரிகள் சம்பவ இடத்திற்குச் சென்று, நிலைமையை ஆய்வு செய்து, இதுபோன்ற சம்பவங்கள் மீண்டும் நிகழாமல் இருப்பதை உறுதி செய்வார்கள் என்றும் அவர் தெரிவித்தார்.

சிறைச்சாலைக்கு அமைச்சர் விஜயம்

இதேவேளை நீர்கொழும்பு சிறை வளாகத்திற்குள் நடந்த வன்முறை மோதல்களைத் தொடர்ந்து, நீதி அமைச்சர் ஹர்ஷன நாணயக்கார சிறைச்சாலைக்கு சென்றுள்ளார். இன்று காலை சிறையில் நடந்த கலவரத்தில் 25 பேர் உயிரிழந்ததோடு, பலர் காயமடைந்த நிலையில் இந்த வருகை அமைந்துள்ளது.