புதிய பொருளாதார மாற்றங்களுக்கான முடிவுகளை நோக்கி அதிபரின் இந்திய விஜயம்
அதிபர் ரணில் விக்ரமசிங்கவின் இந்திய விஜயம் மூலமாக, சிறிலங்காவும், இந்தியாவும் கடல், வான், எரிசக்தி மற்றும் வர்த்தக களங்களில் உரிய முடிவுகள் எட்டப்படும் என உத்தியோகபூர்வ வட்டாரங்கள் தெரிவித்துள்ளது.
அதிபர் மற்றும் அவரது குழுவினர் நேற்று (20) புதுடெல்லி புறப்பட்டு சென்றுள்ளனர்.
இந்தப் பயணத்தின் போது அவர் இந்திய அதிபர் திரௌபதி முர்மு மற்றும் பிரதமர் நரேந்திர மோடியுடன் பேச்சுவார்த்தை நடத்துவார் என எதிர்பார்க்கப்படுகிறது.
அதுமாத்திரமல்லாமல் இந்திய வெளியுறவுத்துறை அமைச்சர் கலாநிதி எஸ். ஜெய்சங்கர் மற்றும் தேசிய பாதுகாப்பு ஆலோசகர் அஜித் தோவல் ஆகியோரை நேற்றும் இன்றும் அதிபர் சந்தித்துள்ளார்.
பல தடவைகள் சந்திப்பு
அதிபர் ரணில் விக்ரமசிங்கவும் பிரதமர் மோடியும் பல தடவைகள் கடந்த காலங்களில் சந்தித்துள்ளார்.
2015, 2017 மற்றும் 2019 ஆம் ஆண்டுகளில் இலங்கையில் மூன்று தடவைகளும், 2015, 2016, 2017 ஏப்ரல் மாதம், 2017 நவம்பர் மாதம் மற்றும் 2018 இல் அதிபர் ரணில் பிரதமராக இந்தியாவுக்கு விஜயம் செய்தபோது இந்தியாவில் ஐந்து தடவைகளும் சந்தித்துள்ளனர்.
2022 ஆம் ஆண்டு இலங்கை கடும் பொருளாதார நெருக்கடிகளை சந்தித்திருந்த வேளையில் இலங்கையின் முதலாவது உத்தியோகபூர்வ இருதரப்பு கடன் வழங்குநராக இந்தியா இருந்தது குறிப்பிடத்தக்க விடயமாகும்.
சர்வதேச நாணய நிதியத்திற்கு (IMF) எழுத்துபூர்வமாக நிதியளிக்கும் உத்தரவாதங்களை வழங்கிய முதலாவது நாடும் இந்தியவாகும்.
சிறிலங்காவின் மிகப்பெரிய வர்த்தகப் பங்காளியாகவும், சுற்றுலாப் பயணிகளாகவும் மேலும் சிறிலங்காவில் முதலீடுகளினை நிகழ்த்தியும் இந்தியா சிறிலங்காவின் பொருளாதார மீட்சியில் முக்கிய பங்கினை வகிக்கின்றது.
பரிஸ் கழகத்தில் இந்திய உறுப்பு நாடாக இல்லாத போதிலும் இலங்கையின் கடன் மறுசீரமைப்புக்கான கடன் வழங்குநர்கள் குழுவிற்கு ஜப்பான் மற்றும் பிரான்ஸுடன் இணைத் தலைமை வகிக்கிறது.
பொருளாதார மற்றும் வர்த்தக உறவுகள்
இந்த விஜயத்தின் வாயிலாக பொருளாதார மற்றும் வர்த்தக உறவுகள் தொடர்பான முக்கிய முடிவுகள் எட்டப்படும் என எதிர்பார்க்கப்படுகிறது.
புதுப்பிக்கத்தக்க சக்தி வளங்களினைப் பயன்படுத்துவதன் பயன்கள் மற்றும் முக்கியத்துவம் குறித்தும் எரிசக்தி ஒத்துழைப்பை அதிகரித்தல் தொடர்பாகவும் முக்கியமான முடிவுகள் எட்டப்படும் என எதிர்பார்க்கப்படுகிறது.
டிஜிட்டல் கொடுப்பனவுகள், பால் கூட்டுறவு போன்றவற்றை செயல்படுத்துவதன் மூலம் இலங்கையின் நன்மைக்காக வணிகம் மற்றும் சுற்றுலாவை மேம்படுத்தவும் இந்தியா தயாராக இருப்பதாக" உத்தியோகபூர்வ வட்டாரங்கள் மேலும் கூறியுள்ளது.
வேலணை 4ம் வட்டாரம், Basel-City, Switzerland, Breitenbach, Switzerland
02 Jun, 2025
கோண்டாவில் கிழக்கு, கொழும்பு, New Jersey, United States, Winnipeg, Canada
28 Mar, 2025
வதிரி, அம்பாந்தோட்டை, Oslo, Norway, London, United Kingdom, Sutton, United Kingdom
31 May, 2025
புங்குடுதீவு 11ம் வட்டாரம், புங்குடுதீவு 8ம் வட்டாரம், Toronto, Canada
21 May, 2024
புங்குடுதீவு 5ம் வட்டாரம், மானிப்பாய், வண்ணார்பண்ணை, Vaughan, Canada
05 Jun, 2025
Kuala Lumpur, Malaysia, மட்டுவில், கிளிநொச்சி, Scarborough, Canada
19 Jun, 2024
புங்குடுதீவு 11ம் வட்டாரம், London, United Kingdom, அரியாலை
19 May, 2024
யாழ் நெடுந்தீவு கிழக்கு, Jaffna, நெடுந்தீவு, வவுனியா, Montreuil, France
31 May, 2025
