அமெரிக்க தாக்குதல்களுக்கு மத்தியிலும் எண்ணெய் உற்பத்தியை தொடரும் ஈரான்
ஈரானின் கார்க் தீவு "அமெரிக்க-இஸ்ரேலிய எதிரியால் பலமுறை தாக்குதல்களுக்கு உள்ளானது" என்றும், இருப்பினும், அந்தத் தாக்குதல்கள் தீவில் எண்ணெய் உற்பத்தியை நிறுத்தவில்லை என்றும் ஒரு ஈரானிய அதிகாரி திங்களன்று (31) தெரிவித்தார்.
"கார்க் தீவு துண்டு துண்டாக சிதறடிக்கப்படுகிறது" என்று அமெரிக்க ஜனாதிபதி டொனால்ட் ட்ரம்ப் முன்னதாகக் கூறிய கருத்துகளுக்குப் பதிலளிக்கும் விதமாக, ஈரானின் தேசிய எண்ணெய் நிறுவனத்தின் தலைமை நிர்வாக அதிகாரி இந்தக் கருத்துக்களைத் தெரிவித்துள்ளார் என ஈரானின் அரை-அரசு செய்தி நிறுவனமான ஃபார்ஸ் தெரிவித்துள்ளது.
ட்ரம்பின் கருத்துக்கள் "சிரிப்புக்குரியவை"
ட்ரம்பின் கருத்துக்களை "சிரிப்புக்குரியவை" என்று குறிப்பிட்ட அந்த செய்தி நிறுவனம், அந்த அதிகாரி கூறியதாக மேற்கோள் காட்டியுள்ளது: "நான் உங்களிடம் பேசிக்கொண்டிருக்கும் இந்த வேளையில், பல ஒப்பந்தகாரர்கள் சேமிப்புக் கிடங்குகளை மீண்டும் கட்டவும் புதுப்பிக்கவும் பணிகளை மேற்கொண்டு வருகின்றனர்."
"கார்க்கில் நடைபெற்று வரும் எந்தப் பணியும் நிறுத்தப்படவில்லை. சில திட்டங்கள் தற்போது 20% முதல் 30% வரை நிறைவடைந்துள்ளன, மேலும் அவற்றில் பணிகள் தொடர்கின்றன." என்று அவர் மேலும் குறிப்பிட்டார்.
மீண்டும் தொடங்கிய தாக்குதல்
ஞாயிற்றுக்கிழமை, லராக் தீவில் உள்ள இரண்டு ஈரானிய ஏவுகணை ஏவுதளங்கள் மீது அமெரிக்கப் படைகள் தாக்குதல் நடத்தியதாகவும், ஜூலை மாத இறுதியில் இருந்து ஈரானியப் பிரதேசம் மீது அமெரிக்கா நடத்திய முதல் தாக்குதல் இது என்றும் ஒரு அமெரிக்க அதிகாரி ஆக்சியோஸ் செய்தி நிறுவனத்திடம் தெரிவித்தார்.
இதற்குப் பதிலடியாக, ஐக்கிய அரபு அமீரகம் மற்றும் ஜோர்டானில் உள்ள அமெரிக்கத் தளங்கள் மீது ஏவுகணைகள் மற்றும் ஆளில்லா விமானங்கள் மூலம் தாக்குதல் நடத்தியதாக ஈரானின் இஸ்லாமியப் புரட்சிகரப் பாதுகாப்புப் படை தெரிவித்துள்ளது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 8ம் வட்டாரம், Büren an der Aare, Switzerland
29 Aug, 2026
யாழ்ப்பாணம், வவுனியா, கனடா, Canada, Montreal, Canada
31 Aug, 2015
