பிக்குகளின் சத்தியாக்கிரக போராட்டத்தின் பிண்ணனியில் ராஜபக்சக்கள்!

சிங்களப் பௌத்த அரசையும் மத உணர்வுகளையும் பாதுகாப்பதாகக் கூறிக்கொண்டு அண்மையில் ஏற்பாடு செய்ய முயற்சிக்கப்பட்ட போராட்டமானது ராஜபக்ச குடும்பத்தினரின் அரசியல் மூலோபாயத்தின் மற்றொரு அங்கமே என குற்றச்சாட்டப்பட்டுள்ளது.

சிறிலங்கா தொழிலாளர் மக்கள் முன்னணியின் (Sri Lanka Workers' People's Front) தலைவர் சாமிர பெரேரா (Chamira Perera) இந்த குற்றச்சாட்டை முன்வைத்துள்ளார்.

ஊடகங்களுக்கு கருத்து தெரிவிக்கும் போதே அவர் இதனை தெரிவித்துள்ளார்.

யாழ் உள்ளிட்ட பகுதிகளில் சமையல் எரிவாயு தட்டுப்பாடு...! லிட்ரோ நிறுவனத்தின் அறிவிப்பு

இரகசியப் பேச்சுவார்த்தை 

இது தொடர்பில் மேலும் தெரிவித்த அவர், 

கொழும்பு கிங்ஸ்பரி ஹோட்டலில் (Kingsbury Hotel) நடைபெற்றதாகக் கூறப்படும் இரகசியப் பேச்சுவார்த்தை தொடர்பில் சமூக வலைத்தளங்களில் வெளியாகியுள்ள தகவல்கள், இத்தகைய திட்டமிடப்பட்ட போராட்டங்களின் பின்னணியில் உள்ள அரசியல் நோக்கங்கள் குறித்துக் தீவிர சந்தேகங்களை எழுப்புவதாக அவர் தெரிவித்துள்ளார்.

அதிகாரத்தைக் கைப்பற்றுவதற்காக தொடர்ந்து மக்களைப் பலிகடா ஆக்கி வரும் சக்திவாய்ந்த அரசியல் குழுவொன்றின் நடவடிக்கைகளையே இது காட்டுவதாக அவர் குறிப்பிட்டுள்ளார்.

300 இற்கும் மேற்பட்ட அப்பாவி மக்களின் உயிர்களைப் பறித்த உயிர்த்த ஞாயிறு பயங்கரவாதத் தாக்குதலுக்குப் பின்னரான அரசியல் சூழலை தற்போதைய நிலைமை நினைவூட்டுவதாக அவர் சுட்டிக்காட்டியுள்ளார்.

க்ரிஷ் வழக்கு தொடர்பான வாதங்களை நாளை முன்வைக்கும்படி CIABOCஇற்கு நீதவான் உத்தரவு

அரசியல் இலாபம்

அவர், இத்தகைய சந்திப்புகள் மற்றும் போராட்டங்கள் மூலம் அரசியல் இலாபத்திற்காகப் பொதுமக்களின் உணர்வுகள் மீண்டும் தூண்டப்பட்டுத் தவறாகப் பயன்படுத்தப்படுவதாகச் சாடியுள்ளார்.

கிங்ஸ்பரி ஹோட்டல் சந்திப்பில் பங்கேற்ற நபர்களின் அடையாளங்கள், அங்கு விவாதிக்கப்பட்ட விடயங்கள் மற்றும் அவர்களின் உண்மையான நோக்கங்கள் குறித்துப் பாதுகாப்புப் படையினரும் குற்றப் புலனாய்வுத் திணைக்களமும் (CID) உடனடியாக விரிவான விசாரணைகளை நடத்த வேண்டும் என அவர் வலியுறுத்தியுள்ளார்.

இதில் சட்டங்கள் மீறப்பட்டிருப்பது உறுதியானால் சம்பந்தப்பட்ட நபர்கள் சட்டத்தின் முன் நிறுத்தப்பட்டுத் தண்டிக்கப்பட வேண்டும் என்றும் குடிசார் மற்றும் அரசியல் உரிமைகளுக்கான சர்வதேச உடன்படிக்கை (ICCPR) சட்டச் சட்டகத்திற்கு உட்பட்டு இச் சம்பவம் ஆராயப்பட வேண்டும் என்றும் அவர் கோரிக்கை விடுத்துள்ளார்.

இத்தகைய ஊழல் நிறைந்த மற்றும் சதித்திட்ட அரசியல் நடைமுறைகளை ஒழிப்பதற்காகவே மக்கள் தேசிய மக்கள் சக்திக்கு (NPP) அதிகாரத்தை வழங்கியுள்ளனர் என நினைவூட்டிய அவர், ஜனாதிபதி உள்ளிட்ட பொறுப்பான அதிகாரிகள் இதில் தலையிட்டு கிங்ஸ்பரி சந்திப்பு குறித்த உண்மைகளை நாட்டுக்கு வெளிப்படுத்த வேண்டும் என வேண்டுகோள் விடுத்துள்ளமை குறிப்பிடத்தக்கது.

சூறாவளி அபாயத்தில் 25 இலங்கை படகுகள்: இந்திய எல்லைக்குள் நுழைய அனுமதி