கொக்குத்தொடுவாய் மனிதப் புதைகுழி அகழ்வு : இதுவரை 14 உடல் பாகங்கள் மீட்பு
இரண்டாம் இணைப்பு
முல்லைத்தீவு - கொக்குத்தொடுவாய் மனிதப் புதைகுழி அகழ்வுப் பணிகள் இன்று எட்டாவது நாளாக மேற்கொள்ளப்பட்டது.
இன்று(14) 5 உடற்பாகங்கள் மீட்கப்பட்டுள்ள நிலையில், இதுவரை 14 உடற்பாகங்கள் மீட்கப்பட்டுள்ளதாக அறிக்கையிடப்பட்டுள்ளது.
இன்று மீட்கப்பட்ட உடல எச்சங்கள் 4 பெண் போராளிகளுடையது எனவும் 1 ஆண் போராளியுடையது எனவும் சட்டத்தரணி நிறஞ்சன் தெரிவித்தார்.
நாளைய தினம் 9ஆவது நாள் அகழ்வுப் பணிகள் இடம்பெறவுள்ளது.
முதலாம் இணைப்பு
முல்லைத்தீவு கொக்குத்தொடுவாய் மனிதப் புதைகுழி அகழ்வுப் பணியானது இன்று (14)எட்டாவாது நாளாக தொடர்ந்து இடம்பெற்று வருகின்றது.
இன்றைய அகழ்வாய்வின் போது பல மனித எச்சங்கள் கண்டுபிடிக்கப்பட்டுள்ளன.
இந்த நிலையில் தமிழரசுக் கட்சியின் தலைவர் மாவை சேனாதிராஜா மற்றும் நாடாளுமன்ற உறுப்பினர்களான வினோ நோகராதலிங்கம், சாள்ஸ் நிர்மலநாதன் உள்ளிட்ட குழுவினர் வருகை தந்து அகழ்வுப் பணிகளை பார்வையிட்டனர்.
கொக்குத்தொடுவாய் மனிதப் புதைகுழியின் அகழ்வாய்வு நடவடிக்கைகள் கடந்த புதன்கிழமையில் (06) இருந்து ஆரம்பிக்கப்பட்டுள்ளமை குறிப்பிடத்தக்கது.
நெடுந்தீவு, மானிப்பாய், வளசரவாக்கம், India, பளை, திருநாவற்குளம்
22 Feb, 2026
