தமிழர் பகுதியில் மக்கள் காணிகளை ஆக்கிரமிக்க திட்டம்: கடும் எதிர்ப்புக்கு மத்தியில் நகர்வு
வவுனியா (Vavuniya) - கதிர்வேலர் பூவரசங்குளத்தில் காணிகளை அளவீடு செய்வதற்காக வருகை தந்த வனவள திணைக்களத்தினர், பொதுமக்களின் எதிர்ப்பினை அடுத்து திருப்பிச் சென்ற சம்பவம் ஒன்று இடம் பெற்றுள்ளது.
குறித்த பகுதியில் வன வளத்திணைக்களத்திற்குரிய காணிகள் இருப்பதாக தெரிவித்து அந்த திணைக்களத்தின் அதிகாரிகள் அளவீட்டுப் பணிகளை மேற்கொள்ள இன்று (11) வருகை தந்திருந்த நிலையிலேயே, இந்த சம்பவம் பதிவாகியுள்ளது.
கதிர்வேலர் பூவரசங்குளத்திலிருந்து 1997 ஆம் ஆண்டு யுத்தம் காரணமாக இடம் பெயர்ந்த மக்கள் மீண்டும் 2011 ஆம் ஆண்டு குறித்த பகுதியில் மீள்குடியேறியிருந்தனர்.
வன வளத்திணைக்களம்
அவர்கள் வசித்த பிரதேசம் அனைத்தும் பற்றை காடுகளாக மாறியுள்ள நிலையில், தற்போது அவர்கள் குறித்த பகுதியை துப்புரவு செய்து விவசாய நடவடிக்கைகளிலும் ஈடுபட்டு வருகின்றனர்.
இந்நிலையில், குறித்த பகுதியில் வன வளத் திணைக்களத்திற்குரிய காணிகள் இருப்பதாக தெரிவித்து வனவள திணைக்களத்தினர் அளவீட்டுப் பணிகளை மேற்கொள்ள குறித்த கிராமத்துக்கு வருகை தந்திருந்தனர்.
பொதுமக்களுடைய வயல் நிலங்கள் மற்றும் தோட்டம் செய்கின்ற பகுதிகளையும் வனவளத்திற்கு உரியதாக அடையாளப்படுத்தி இருந்தமையினால் அவர்களை குறித்த பகுதியில் அளவீடு செய்ய விடாது பொதுமக்கள் அவர்களோடு முரண்பட்டனர்.
அளவீட்டுப் பணி
தமது கிராமத்துக்குரிய கிராம சேவையாளரை அழைத்து வருமாறும் அதன் பின்னரே அளவீட்டுப் பணியை மேற்கொள்ள அனுமதிப்போம் என்றும் தாம் விவசாயம் செய்யும் பகுதியை அளவீடு செய்ய அனுமதிக்க முடியாது எனவும் அவர்கள் தெரிவித்திருந்தனர்.
மேலும், தாங்கள் விவசாயம் செய்யும் பகுதியை அளவீடு செய்ய அனுமதிக்க முடியாது எனவும் மக்கள் குறிப்பிட்டனர்.
இதனையடுத்து அங்கு வருகை தந்திருந்திருந்த வனவள திணைக்களத்தினர், தாம் செய்மதி ஊடாக அடையாளப்படுத்தப்பட்ட இடங்களை சரி பார்ப்பதற்காகவே வந்திருப்பதாகத் தெரிவித்தனர்.
இந்த சர்ச்சையை அடுத்து வனவளத் திணைக்களத்தினர் குறித்த பகுதியிலிருந்து சென்றதோடு, அங்கிருந்த பொதுமக்களும் கலைந்து சென்றிருந்தமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள் |
Urumpirai, மன்னார் முருங்கன், Markham, Canada, Drancy, France
21 Aug, 2026
நெடுந்தீவு மேற்கு, யோகபுரம், Paris, France, Tergnier, France, Chelmsford, United Kingdom
16 Aug, 2026
கரவெட்டி, கொக்குத்தொடு, புதுக்குடியிருப்பு 2ம் வட்டாரம், Mullaitivu
27 Aug, 2023
கொழும்புத்துறை, கொழும்பு, ஸ்கந்தபுரம், London, United Kingdom
09 Aug, 2026
