போராட்டக் களமாகும் அமெரிக்கா: முக்கிய நகரில் பெருந்திரளானோர் கைது!

Donald Trump United States of America Los Angeles World

By Thulsi Jun 11, 2025 07:22 PM GMT

Thulsi

in உலகம்

Report

புதிய இணைப்பு

லொஸ் ஏஞ்சல்ஸில் மேயரின் ஊரடங்கு உத்தரவை மீறி நகர மையப் பகுதியை விட்டு வெளியேறத் தவறிய 200க்கும் மேற்பட்டோர் கைது செய்யப்பட்டுள்ளனர்.

இது தொடர்பான அறிக்கையை லொஸ் ஏஞ்சல்ஸ் காவல்துறை எக்ஸ் தளத்தில் வெளியிட்டுள்ளது.

மேலதிகமாக ஊரடங்கு உத்தரவை மீறிய 17 பேர் கைது செய்யப்பட்டுள்ளதுடன், துப்பாக்கி வைத்திருந்தமை, காவல்துறை அதிகாரி மீது கொடிய ஆயுதத்தால் தாக்குதல் நடத்தியமை மற்றும் ஒரு காவல்துறை ஆகாயகப்பலுக்கு லேசர் தாக்குதல் நடத்தியமை ஆகிய குற்றச்சாட்டுகளின் பேரில் ஏனையோர் கைது செய்யப்பட்டுள்ளதாகவும் தெரிவிக்கப்படுகிறது.

LAPD Releases Information Related to Recent Protests pic.twitter.com/XDNnngM5ty
— LAPD PIO (@LAPDPIO) June 11, 2025

முதலாம் இணைப்பு

அமெரிக்காவின் லொஸ் ஏஞ்சல்ஸ் (Los Angeles) நகர மையத்தின் ஒரு சிறிய பகுதிக்கு ஊரடங்கு உத்தரவு பிறப்பிக்கப்பட்டுள்ளது.

குறித்த ஊரடங்கு உத்தரவானது லொஸ் ஏஞ்சல்ஸ் மேயர் கரேன் பாஸ் (Karen Bass) ஆல் பிறப்பிக்கப்பட்டுள்ளது.

இந்த ஊரடங்கு உத்தரவு 1 சதுர மைல் (2.6 சதுர கி.மீ) பரப்பளவில் பொருந்தும் என்றும், உள்ளூர் நேரப்படி செவ்வாய்க்கிழமை இரவு 8 மணி முதல் புதன்கிழமை காலை 6 மணி வரை நடைமுறையில் இருக்கும் என்றும் லொஸ் ஏஞ்சல்ஸ் மேயர் குறிப்பிட்டுள்ளார்.

போராட்டக்காரர்களுக்கும் இடையே மோதல்

அமெரிக்காவில் (USA) முறையான ஆவணங்கள் இன்றியும் சட்டவிரோதமாகவும் குடியேறியவர்களை நாடு கடத்தும் தீர்மானத்தை ஜனாதிபதி டொனால்ட் ட்ரம்ப் அறிவித்துள்ளார்.

இதையடுத்து நாடு முழுவதும் சட்டவிரோதமாக குடியேறியவர்களை கண்டறிய குடியேற்ற அதிகாரிகளுக்கு அவர் உத்தரவிட்டுள்ளார்.

இது தொடர்பாக முன்னெடுக்கப்பட்டுள்ள சோதனை மற்றும் கைது நடவடிக்கைகளால் ட்ரம்ப் நிர்வாகத்துக்கும் குடிவரவு மற்றும் சுங்க அமலாக்கத் துறைக்கும் (ICE) எதிராக வன்முறைப் போராட்டங்களைத் தூண்டியது.