மகாபொல புலமைப்பரிசில் கொடுப்பனவு தொடர்பில் வெளியான அறிவிப்பு
2024/2025 கல்வி ஆண்டுக்கான மகாபொல புலமைப்பரிசில் திட்டத்தின் கீழ் தெரிவுசெய்யப்பட்ட தகுதியுடைய அனைத்து மாணவர்களுக்குமான கொடுப்பனவு தொடர்பில் முக்கிய அறிவிப்பொன்று வெளியாகியுள்ளது.
லலித் அத்துலத்முதலி மகாபொல உயர்கல்வி புலமைப்பரிசில் அறக்கட்டளை நிதியம் இந்த விடயத்தினை அறிவித்துள்ளது.
அதன்படி, குறித்த மாணவர்களுக்கான ஒக்டோபர் மாதத்திற்கான புலமைப்பரிசில் கொடுப்பனவுகள் இன்று (19) வழங்கப்படும் என தெரிவிக்கப்பட்டுள்ளது.
மட்டக்களப்பில் இடம்பெற்ற கொலை சம்பவம்! ஈ.பி.டி.பியின் முன்னாள் உறுப்பினர்கள் எட்டுப் பேருக்கு மரண தண்டனை
உதவித்தொகை அதிகரிப்பு
மேலும், குறித்த கல்வி ஆண்டுக்குரிய நிலுவையில் உள்ள தவணைப் கொடுப்பனவுகளை டிசம்பர் மாதத்தில் வழங்குவதற்கான ஏற்பாடுகள் செய்யப்படும் என்றும் அந்த அறக்கட்டளை நிதி விடுத்துள்ள அறிக்கையில் குறிப்பிட்டுள்ளது.

இதேவேளை கடந்த இரண்டு ஆண்டுகளில் மாதாந்த மகாபொல கல்வி உதவித்தொகை 5,000 ரூபாயிலிருந்து 10,000 ரூபாயாக, 100 வீதம் அதிகரிக்கப்பட்டுள்ளது.
கல்வி உதவித்தொகைகள் திறமையாகவும், வெளிப்படையாகவும், தடையின்றியும் வழங்கப்படுவதை உறுதி செய்வதற்காக, தனது நிதி மற்றும் நிர்வாக ஏற்பாடுகளைத் தொடர்ந்து மேம்படுத்தும் என்று அந்த நிதியம் தெரிவித்துள்ளமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |