யாழில் நூதனமுறையில் கடத்தப்பட்ட பாலைமரக்குற்றிகள்....! காவல்துறையை மிரட்டிய சாரதி

Sri Lanka Police Jaffna Sri Lanka Police Investigation Nothern Province Srilankan Tamil News

By Kathirpriya May 12, 2024 08:17 AM GMT

Kathirpriya

in குற்றம்

Report

சூட்சுமமான முறையில் கடத்தி செல்லப்பட்ட பாலை மரக் குற்றிகள் மீட்கப்பட்டுள்ளதாக சாவகச்சேரி (Chavakachcheri) காவல்துறையினர் தெரிவித்துள்ளனர்.

இந்த நடவடிக்கை இன்று (12) காலை சாவகச்சேரி காவல்துறை பரிசோதகர் செனவிரத்ன (Senvirathna) தலைமையிலான குழுவினரால் மேற்கொள்ளப்பட்டுள்ளது.

குறித்த சம்பவம் தொடர்பாக மேலும் தெரியவருவதாவது, "இன்று காலை சாவகச்சேரி - சரசாலை பகுதியில் சோதனை நடவடிக்கைகள் முன்னெடுக்கப்பட்டது.

மேலதிக விசாரணை

இதன்போது அந்தப்பகுதியாக சென்ற கனரக வாகனமொன்று சுற்றிவளைக்கப்பட்டு சோதனையிடப்பட்ட போது, மண்ணுக்குள் வைத்து சூட்சுமமான முறையில் கடத்தப்பட்ட ஏராளமான பாலைமரக்குற்றிகள் மீட்கப்பட்டன.

யாழில் நூதனமுறையில் கடத்தப்பட்ட பாலைமரக்குற்றிகள்....! காவல்துறையை மிரட்டிய சாரதி | Manilkara Hexandra Tree Trunk Rescued In Jaffna

இந்நிலையில் கனரக வாகனத்தை செலுத்தி வந்த சாரதி காவல்துறையினரை மிரட்டி விட்டு தப்பித்து சென்றுள்ளதாக தெரிவிக்கப்பட்டுள்ளது.

அதனைத் தொடர்ந்து, மீட்கப்பட்ட மரக் குற்றிகளுடன் குறித்த கனரக வாகனம் சாவகச்சேரி காவல் நிலையத்திற்கு கொண்டு செல்லப்பட்டுள்ள நிலையில் சாவகச்சேரி காவல்துறையினர் மேலதிக விசாரணைகளை முன்னெடுத்து வருகின்றனர்.