ரணிலின் அடுத்த அதிரடி: மாற்றப்பட்டவுள்ள அமைச்சின் செயலாளர்கள்
வினைத்திறனின்றி செயற்படும் பல அமைச்சுக்களின் செயலாளர்கள் மாற்றம் செய்யப்படுவது தொடர்பில் அதிபர் ரணில் கவனம் செலுத்தியுள்ளதாக அரசாங்கத் தகவல்கள் தெரிவிக்கின்றன.
இந்த மாற்றத்தின் கீழ் சில அமைச்சுச் செயலாளர்கள் இடமாற்றம் செய்யப்பட உள்ளதாகவும், மக்கள் நலக் கொள்கைகளை முறையாக நடைமுறைப்படுத்தத் தவறிய சில அமைச்சுச் செயலாளர்கள் நீக்கப்பட உள்ளதாகவும் தகவல்கள் தெரிவிக்கின்றன.
ரணில் விக்ரமசிங்கவிடம் முறைப்பாடு
வங்குரோத்து நிலையில் உள்ள நாட்டை படிப்படியாக மீளக் கட்டியெழுப்ப அரசாங்கம் எடுத்து வரும் பொருளாதார மற்றும் சமூக நலன்புரி கொள்கைகளை நடைமுறைப்படுத்துவதற்கு ஆதரவளிக்காத அமைச்சின் செயலாளர்கள் தொடர்பில் அதிபர் ரணில் விக்ரமசிங்கவிடம் முறைப்பாடுகள் கிடைத்துள்ளதாக அரசாங்கத்தின் சிரேஷ்ட பேச்சாளர் ஒருவர் தெரிவித்தார்.
உரிய சேவை கிடைக்கவில்லை என அமைச்சு செயலாளர்கள் தொடர்பில் பொதுமக்கள் அளித்த முறைப்பாடுகள் தொடர்பில் மீளாய்வு செய்யப்பட்டுள்ளதாக பேச்சாளர் மேலும் தெரிவித்தார்.
கெஹலிய ரம்புக்வெல மாற்றம்
இதேவேளை சுகாதார அமைச்சராக பணியாற்ற கெஹலிய ரம்புக்வெல மீது அண்மைக்காலமாக பல விமர்சனங்கள் முன்வைக்கப்பட்ட நிழைலயில் அவரரை அதிரடியாக ரணில் மாற்றியிருந்தமை குறிப்பிடத்தக்கது.
