தானாகவே வேகமெடுத்த கார்: மட்டக்குளிய வாகன விபத்து தொடர்பில் தீவிர விசாரணை

மட்டக்குளிய பகுதியில்  பல வாகனங்கள் மோதிக்கொண்ட கோரமான விபத்து தொடர்பாகக் கைது செய்யப்பட்ட ஓட்டுநர், தான் ஓட்டிவந்த மின்சாரக் கார் திடீரெனத் தானாகவே வேகமெடுத்ததாக விசாரணையின்போது தெரிவித்துள்ளார்.

இதன்போது வாகனத்தின் கட்டுப்பாட்டை தான் இழந்ததாகவும் அவர் கூறியுள்ளார்.

காவல்துறையின் கூற்றுப்படி, தனது தரப்பிலிருந்து எந்த நடவடிக்கையும் எடுக்கப்படாத நிலையில், வாகனம் எதிர்பாராத விதமாக வேகமெடுத்ததாகவும், அதனால் தன்னால் அதைக் கட்டுப்படுத்த முடியவில்லை என்றும் ஓட்டுநர் கூறியுள்ளார்.

லண்டன் - யாழ்ப்பாணம் இடையே நேரடி விமானசேவை : இங்கிலாந்து எம்.பி கோரிக்கை

நிபுணர் குழுவால்  தொழில்நுட்பப் பரிசோதனை

விபத்துக்கு இயந்திரக் குறைபாடா அல்லது தொழில்நுட்பக் குறைபாடா காரணம் என்பதைத் தீர்மானிப்பதற்காக, மோட்டார் போக்குவரத்து ஆணையர் நாயகம் தலைமையிலான நிபுணர் குழுவால் வாகனத்தின் தொழில்நுட்பப் பரிசோதனை நடத்தப்படும் என்று காவல்துறை நீதிமன்றத்தில் தெரிவித்துள்ளது.

காவல்துறையினர் ஒரு மருத்துவக் குழுவின் மூலம் மனநல மதிப்பீட்டைப் பெறவும் உத்தேசித்துள்ளனர்.

இதற்கிடையில், ஓட்டுநர் கஞ்சா உட்கொண்டதாகக் கூறப்படும் குற்றச்சாட்டுகளை அவரது சட்டத்தரணி மறுத்துள்ளனர்.

தங்கள் கட்சிக்காரர் மதுவையோ அல்லது சட்டவிரோத போதைப்பொருட்களையோ ஒருபோதும் உட்கொண்டதில்லை என்றும், ஆஸ்துமா மற்றும் நீரிழிவு நோய்க்காக ஆயுர்வேத மருந்துகளை எடுத்து வருவதாகவும் அவர்கள் நீதிமன்றத்தில் தெரிவித்துள்ளனர்.

மருத்துவப் பரிசோதனையின் போது கண்டறியப்பட்ட பொருளுக்கு அந்த மருந்துகளும் காரணமாக இருந்திருக்கலாம் என்று சட்டத்தரணிகள் வாதிட்டுள்ளனர்.

இந்நிலையில் சந்தேக நபரை விடுவிப்பது பொதுமக்களிடையே அமைதியின்மைக்கு வழிவகுக்கும் என்று வாதிட்டு, பிணை  வழங்குவதை காவல்துறை எதிர்த்துள்ளது.

சமர்ப்பிப்புகளைப் பரிசீலித்த பின்னர், ஓட்டுநரைக் காவலில் வைக்க நீதிபதி உத்தரவிட்டார்.

கட்டுநாயக்க விமான நிலையத்தில் மாயமான மனைவி - கண்ணீருடன் தேடி அலையும் கணவன்