தமிழகத்தில் இந்து கோவில்களை ஆக்கிரமித்துள்ள திமுக : மோடியின் பகிரங்க குற்றச்சாட்டால் பரபரப்பு
தமிழகத்தில் இந்து கோவில்களை திமுக அரசு ஆக்கிரமித்துள்ளதாக பிரதமர் நரேந்திர மோடி பகிரங்கமாக குற்றம்சாட்டியுள்ளது பரபரப்பை ஏற்படுத்தியுள்ளது.
தெலங்கானா மாநிலம் நிஜாமாபாத்தில் இன்று நடைபெற்ற பாஜக தேர்தல் பொதுக்கூட்டத்தில் பிரதமர் நரேந்திர மோடி கலந்துகொண்டு உரையாற்றினார். அவரது உரையின் ஒருபகுதியாக, தமிழகத்தை ஆளும் திமுக அரசையும் மோடி கடுமையாக விமர்சித்தார். அவர் கூறியதாவது:
சனாதன தர்மம் ஒழிப்பு
தமிழகத்தில் சனாதன தர்மத்தை ஒழித்தே ஆக வேண்டும் என்று அந்த மாநில அரசு சூளுரைத்திருக்கிறது. இந்து மக்களின் உயிர் மூச்சான சனாதன தர்மம் அழிக்கப்பட வேண்டியது என்று தமிழக முதல்வரின் மகனே பகிரங்கமாக கூறுகிறார். அதன் ஒருபகுதியாகவே, தமிழகத்தில் உள்ள இந்து கோவில்களை அரசு தனது கட்டுப்பாட்டில் வைத்துள்ளது.
இந்து கோவில்களை தமிழக அரசு ஆக்கிரமித்திருக்கிறது. இது மிகப்பெரிய அராஜகம். ஆனால் சிறுபான்மையினர்களின் வழிபாட்டுத் தலங்களை தமிழக அரசு உட்பட எந்த தென்னிந்திய மாநிலங்களும் தங்கள் கட்டுப்பாட்டுக்குள் கொண்டு வரவில்லையே ஏன்?
காங்கிரஸுக்கு துணிச்சல் இருந்தால்
இந்து கோவில் கட்டுப்பாட்டில் இருந்து அரசு விலக வேண்டும் என்று பல மாநிலங்களில் காங்கிரஸ் குரல் கொடுத்து வருகிறதே? காங்கிரஸுக்கு துணிச்சல் இருந்தால் தமிழகத்தில் அப்படி அவர்களால் கூற முடியுமா?
நீங்கள்தானே (காங்கிரஸ்) திமுக அரசுடன் கூட்டணியில் இருக்கிறீர்கள். இந்து கோவில் நிர்வாகத்தில் இருந்து அரசு விலக வேண்டும் என்று திமுகவிடம் நீங்கள் கூற வேண்டியதுதானே என்று மோடி கூறினார்.
மல்லாகம், யாழ்ப்பாணம், கொழும்புத்துறை, சுண்டுக்குழி, Brampton, Canada
12 Sep, 2026
