மகிந்தவின் குடும்பத்திற்கு நேர்ந்த கதி: சற்றுமுன்னர் நாமல் ராஜபக்ச நீதிமன்றத்தில் முன்னிலை

Mahinda Rajapaksa Namal Rajapaksa Rajapaksa Family Court of Appeal of Sri Lanka

By Thulsi Oct 13, 2026 04:28 AM GMT

Thulsi

in சமூகம்

Report

புதிய இணைப்பு

தற்போது விளக்கமறியலில் வைக்கப்பட்டுள்ள ஸ்ரீலங்கா பொதுஜன பெரமுன தேசிய அமைப்பாளரும் நாடாளுமன்ற உறுப்பினருமான நாமல் ராஜபக்ச நீதிமன்றத்தில் முன்னிலைபடுத்தப்பட்டுள்ளார்.

சிறைச்சாலை அதிகாரிகளினால், சிறைச்சாலை பேருந்தில் இன்று (13) மீண்டும் கோட்டை நீதவான் நீதிமன்றத்தில் முன்னிலைபடுத்தப்பட்டுள்ளார்.

முதலாம் இணைப்பு

விளக்கமறியலில் உள்ள ஸ்ரீலங்கா பொதுஜன பெரமுனவின் தேசிய அமைப்பாளரும் நாடாளுமன்ற உறுப்பினருமான நாமல் ராஜபக்ச நீதிமன்றத்தில் முன்னிலைப்படுத்தப்படவுள்ளார்.

மகிந்தவின் குடும்பத்திற்கு நேர்ந்த கதி: சற்றுமுன்னர் நாமல் ராஜபக்ச நீதிமன்றத்தில் முன்னிலை | Mp Namal Rajapaksa Brought To Court Today

நாமல் ராஜபக்சவின் வழக்கு இன்று (13) கொழும்பு பிரதம நீதவான் நீதிமன்றத்தில் விசாரணைக்கு எடுத்துக்கொள்ளப்படவுள்ளன.

ஸ்ரீலங்கன் எயார்லைன்ஸ் நிறுவனத்திற்கான வானூர்தி கொள்வனவுடன் தொடர்புடைய எயார்பஸ் ஒப்பந்தத்தில், 100 மில்லியன் ரூபாய் கையூட்டல் பெற்றதாகக் கூறப்படும் குற்றச்சாட்டு தொடர்பான வழக்கும் விசாரணைக்கு எடுத்துக்கொள்ளப்படவுள்ளது.

இன்று வரை விளக்கமறியலில்

குறித்த வழக்கு கடந்த 29 ஆம் திகதி விசாரணைக்கு எடுத்துக்கொள்ளப்பட்ட போது, நாடாளுமன்ற உறுப்பினர் நாமல் ராஜபக்ஷவை இன்று வரை விளக்கமறியலில் வைக்க உத்தரவிடப்பட்டிருந்தது.

இதேவேளை, ‘சிரிலிய சவிய’ வங்கி கணக்கு தொடர்புடைய வழக்கில், சிறுவர் மருத்துவமனைக்கு சி.டி. ஸ்கேன் இயந்திரம் வழங்குவதாகக் கூறி, தேசிய சேமிப்பு வங்கியிலிருந்து 100 மில்லியன் ரூபாய் பெற்றுக்கொண்டு அந்த இயந்திரத்தை வழங்கத் தவறியதாக ஷிரந்தி ராஜபக்ஷவின் வழக்கு இன்று (13) நீதிமன்றத்தில் விசாரணைக்கு எடுத்துக்கொள்ளப்படவுள்ளது.

மேலும், முன்னாள் ஜனாதிபதி மகிந்த ராஜபக்ஷவும் நேற்று காலை கொழும்பிலுள்ள தனியார் மருத்துவமனையில் அனுமதிக்கப்பட்டு, தொடர்ந்து சிகிச்சை பெற்று வருகின்றமை குறிப்பிடத்தக்கது.