அனோஜனுக்கு மன்னிப்பு: சவுதி மன்னரை அணுகவுள்ளார் முஜிபுர் ரஹ்மான்
சவுதி அரேபியாவில் மரண தண்டனை விதிக்கப்பட்டு சிறையில் உள்ள சிவராசா அனோஜன் என்ற இலங்கை இளைஞருக்கு ஆயுள் மன்னிப்புப் பெற்றுத் தருமாறு, சவுதி தூதர் மூலம் சவுதி மன்னரிடம் கோரிக்கை விடுக்கவுள்ளதாக ஐக்கிய மக்கள் சக்தியின் நாடாளுமன்ற உறுப்பினர் முஜிபுர் ரஹ்மான் தெரிவித்துள்ளார்.
அவரை மரண தண்டனையிலிருந்து விடுவிப்பது எப்படி என்பதைப் பரிசீலிப்பது மட்டுமே இப்போது செய்ய வேண்டிய ஒரே காரியம் என்று கூறிய முஜிபுர் ரஹ்மான், மன்னிப்பு வழங்கும் அதிகாரம் சவூதி மன்னருக்கு மட்டுமே உள்ளது என்றார்.
அரசாங்கத்தின் உயர் மட்ட இராஜதந்திரத் தலையீடு தேவை
சம்பந்தப்பட்ட மன்னிப்பைப் பெறுவதற்காக எதிர்க்கட்சித் தலைவரும் நாடாளுமன்ற உறுப்பினர்களும் ஏற்கனவே பேசியுள்ளதாகக் கூறிய ரஹ்மான், அரசாங்கத்தின் உயர் மட்ட இராஜதந்திரத் தலையீடு நிச்சயமாகத் தேவை என்று தெரிவித்தார்.
அறியாமையால் செய்த தவறுக்கு மன்னிப்பு கோரிய அனோஜன்
மேலும், அரபு நாடுகளில் பணிக்குச் செல்பவர்களுக்கு அந்நாடுகளின் சட்டங்கள் குறித்த சில அறிவை வழங்குவது வெளிநாட்டு வேலைவாய்ப்புப் பணியகத்தின் பொறுப்பாகும் என்று கூறிய ரஹ்மான், முன்னதாக இலங்கையைச் சேர்ந்த ரிசானா நஃபீக் என்ற இளம் பெண்ணுக்கு மரண தண்டனை விதிக்கப்பட்டதை நினைவு கூர்ந்தார்.
இலங்கையில் மட்டுமல்ல, தெற்காசியாவின் பல நாடுகளிலும், அந்நாட்டின் சட்டங்களையும் விதிமுறைகளையும் அறியாமல் பணிக்குச் செல்லும் மக்கள் இந்தப் பிரச்சனையை எதிர்கொள்ள வேண்டியுள்ளது என்றும், கேள்விக்குட்பட்ட அந்த இளைஞர் அறியாமையால் அவ்வாறு செய்ததாகக் கூறி தற்போது மன்னிப்புக் கேட்டுள்ளார் என்றும் நாடாளுமன்ற உறுப்பினர் மேலும் கூறினார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 3ம் வட்டாரம், Herzogenbuchsee, Switzerland, Toronto, Canada, கரவெட்டி
05 Oct, 2022
