யாழ். மருதனார்மடம் சந்தைக்கு துப்பாக்கியுடன் வந்த மர்ம நபர் கைது

புதிய இணைப்பு

யாழ். மருதனார்மடம் சந்தைக்கு துப்பாக்கியுடன் வருகைத்தந்த நபர் காவல்துறையினரால் கைதுசெய்யப்பட்டுள்ளார்.“

மேலும், குறித்த நபர் கொண்டு வந்த துப்பாக்கி போலி துப்பாக்கி எனவும் விசாரணைகளில் தெரியவந்துள்ளது.

 யாழ்ப்பாணத்தில் உள்ள மருதனார்மடம் சந்தைக்கு இன்றைய தினம் குறித்த நபர் துப்பாகியுடன் வருகைத்தந்த காட்சி அங்கு பொருத்தப்பட்ட சிசிரிவி கருவியில் பதிவாகியிருந்தது.

இந்நிலையில் காவல்துறைக்கு விடுக்கப்பட்ட விசேட தகவலில்  குறித்த நபர் கைதுசெய்யப்பட்டுள்ளார்.

செய்தி - தீபன்

முதலாம் இணைப்பு

யாழ். மருதனார்மடம் சந்தைக்கு துப்பாக்கிகளுடன் வந்த மர்மநபர் ஒருவரால் பரபரப்பு ஏற்பட்டுள்ளது.

இது குறித்து மேலும் தெரியவருகையில்,

“குறித்த நபர் பை ஒன்றினுள் T-56 ரக துப்பாக்கியை வைத்துக்கொண்டு மருதனார்மடம் சந்தைக்கு இன்று காலை வந்துள்ளார்.

யாழில் பரபரப்பை ஏற்படுத்திய துப்பாக்கிச்சூடு : சிறுவன் பலி! களத்திற்கு விரைந்த நீதிவான்

காவல்துறைக்கு  தகவல்

இதன்போது அவரது இடுப்புக்குள்ளும் கைத்துப்பாக்கி போன்ற ஒரு அமைப்பு காணப்பட்டதாக தெரிவிக்கப்படுகிறது.

இவ்வாறு வருகை தந்த நபர், தனிநபர் ஒருவரது பெயரை விசாரித்துவிட்டு, வட்டிக்கு யார் பணம் கொடுக்கிறார்கள் என அங்கு விசாரித்ததாக கூறப்படுகிறது.

கையில் கொண்டு வந்த பணிஸை சாப்பிட்டுக்கொண்டு, பின்னர் அங்கு பச்சை மிளகாயை வாங்கிக்கொண்டு சென்ற காட்சி அங்கிருந்த சிசிரிவி கருவியில் பதிவாகியுள்ளது.

இவ்வாறு வந்தவர் கைகளுக்கு கறுப்புநிற கையுறைகளையும், தலையில் தலைக் கவசத்தையும் அணிந்திருந்ததை சிசிரிவி காட்சிகள் வெளிப்படுத்தியுள்ளன.

குறித்த நபர் அங்கிருந்து சென்றதும், சந்தையில் இருந்தவர்கள் சுன்னாகம் காவல்துறைக்கு இது குறித்து தகவல் வழங்கியுள்ளனர்.

இந்நிலையில் சுன்னாகம் காவல்துறையினர் இது குறித்து விசாரணைகளை மேற்கொண்டு வருகின்றனர். 

மாற்றுத்திறனாளி மாணவர்களுக்கான பல்கலைக்கழக நுழைவு குறித்து வெளியான தகவல்