கல்வியியற் கல்லூரி மாணவி உயிர்மாய்ப்பு : கல்வி அமைச்சின் அதிரடி நடவடிக்கை
புதிய இணைப்பு
வயம்ப தேசிய கல்வியியற் கல்லூரியில் இரண்டாம் வருட மாணவி ஒருவர் தவறான முடிவெடுத்து உயிர் மாய்த்த சம்பவம் தொடர்பாக முழுமையான விசாரணை நடத்துவதற்காக விசாரணைக் குழு ஒன்று நியமிக்கப்பட்டுள்ளது.
குறித்த விசாரணைக் குழுவின் அறிக்கை கிடைத்தவுடன் அதுதொடர்பாக தேவையான அனைத்து நடவடிக்கைகளும் எடுக்கப்படும் என்று உயர்கல்வி மற்றும் தொழிற்கல்வி அமைச்சு வெளியிட்ட அறிக்கையில் தெரிவிக்கப்பட்டுள்ளது.
இந்த சம்பவம் தொடர்பாக கல்லூரியின் முதல்வரிடமிருந்து விரிவான அறிக்கை ஒன்று பெறப்பட்டுள்ளதாகவும் அந்த அறிக்கையில் மேலும் குறிப்பிடப்பட்டுள்ளது.
வெளியிட்ட அறிக்கை
இதற்கு மேலதிகமாக, கல்வி, உயர்கல்வி மற்றும் தொழிற்கல்வி அமைச்சின் அதிகாரி ஒருவர் சம்பவ இடத்தில் விசாரணை ஒன்றை மேற்கொண்டுள்ளதாகவும் தெரிவிக்கப்படுகிறது.
அத்துடன், அனைத்து தேசிய கல்வியியற் கல்லூரி முறைமையின் நிர்வாக மற்றும் கல்வி நடவடிக்கைகளை மறு ஆய்வு செய்து, தேவையான மாற்றங்களை உடனடியாக மேற்கொள்வதற்கு நடவடிக்கைகள் எடுக்கப்படும் என்று கல்வி, உயர்கல்வி மற்றும் தொழிற்கல்வி அமைச்சு வெளியிட்ட அறிக்கையில் சுட்டிக்காட்டப்பட்டுள்ளமை குறிப்பிடத்தக்கது.
முதலாம் இணைப்பு
வயம்ப தேசிய கல்வியியற் கல்லூரியில் (Wayamba National College of Education) இரண்டாம் வருடத்தில் கல்வி கற்கும் மாணவி ஒருவர் தவறான முடிவெடுத்து உயிர்மாய்த்த சம்பவம் குறித்து கல்வி அமைச்சு (Ministry of Education) உடனடி விசாரணைகளை ஆரம்பித்துள்ளது.
இது தொடர்பில் குறித்த கல்வியியற் கல்லூரியின் பீடாதிபதி லால் குமாரவிடம் (Lal Kumara) ஊடகமொன்று வினவிய போதே அவர் இவ்வாறு குறிப்பிட்டார்.
அத்துடன் கல்வி அமைச்சு இந்த விடயம் தொடர்பில் விசாரணைகளை ஆரம்பித்துள்ளதாகவும் இது தொடர்பில் தனக்கு அறிவிக்கப்பட்டதாகவும் அவர் மேலும் சுட்டிக்காட்டினார்.
கல்வி அமைச்சு விசாரணை
வயம்ப தேசிய கல்வியியற் கல்லூரியில் இரண்டாம் வருட மாணவி ஒருவர் சமீபத்தில் (23.05.2025) தனது விடுதியில் தவறான முடிவெடுத்து உயிரை மாய்த்துள்ளார்.
மன அழுத்தம் காரணமாக இந்த சம்பவம் நடந்திருக்கலாம் என்று குடும்பத்தினர் தெரிவித்துள்ளனர். எனினும், இந்த சம்பவம் குறித்து உடனடியாக விசாரணை நடத்த வேண்டும் என்று பல்வேறு தரப்பினரும் கோரிக்கை விடுத்திருந்தனர்.
இந்த நிலையில் மாணவி உயிர் மாய்த்த சம்பவம் குறித்து கல்வி அமைச்சு விசாரணைகளை ஆரம்பித்துள்ளமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
தாவடி தெற்கு கொக்குவில், Lenzburg, Switzerland, Staufen, Switzerland
22 May, 2025
குருநாகல், ஜெயந்திநகர், மதுரை, தமிழ்நாடு, India, அனலைதீவு, கிளிநொச்சி
27 May, 2021
புங்குடுதீவு 6ம் வட்டாரம், புங்குடுதீவு 4ம் வட்டாரம், Woodbridge, Canada
06 Jun, 2024
ஆவரங்கால், Bremerhaven, Germany, Fribourg, Switzerland, Chennai, India
24 May, 2021
புங்குடுதீவு 9ம் வட்டாரம், கிளிநொச்சி, டென்மார்க், Denmark, London, United Kingdom
01 Jun, 2015
