தேசியப் பாடசாலைகளுக்குப் பதிலாக சர்வ தேசியப் பாடசாலைகள் என மாற்ற வேண்டும்

Sajith Premadasa Sri Lanka Sri Lankan Schools

By Sathangani Dec 09, 2023 11:57 AM GMT

Sathangani

in சமூகம்

Report

தேசிய ஐக்கியம், தேசிய ஒருமைப்பாடு என பேசிக் கொண்டாலும் அதனை யதார்த்தமாக்க வேண்டுமானால் ‘தேசியப் பாடசாலைகளைக்குப்’ பதிலாக நாட்டில் உள்ள ஒவ்வொரு பாடசாலையும் ‘சர்வ தேசியப் பாடசாலைகள்’ என மாற்ற வேண்டும் என எதிர்க்கட்சித் தலைவர் சஜித் பிரேமதாச தெரிவித்தார்.

இதேவேளை அதில் சிங்களம், முஸ்லிம், தமிழ், பௌத்தம், இஸ்லாம், இந்து, கிறிஸ்தவம், பறங்கியர் என ஒவ்வொரு சமூகத்தினரும் இணைந்து கற்கும் சூழலை உருவாக்க வேண்டும் எனவும், இவ்வாறானதொரு மாற்றத்தை ஐக்கிய மக்கள் சக்தி ஆட்சியில் ஏற்படுத்துவோம் என்றும் எதிர்க்கட்சித் தலைவர் மேலும் தெரிவித்தார்.

கொழும்பு கணபதி இந்து மகளிர் கல்லூரியில்இடம்பெற்ற நிகழ்வொன்றில் கலந்து கொண்டு உரையாற்றும் போதே அவர் இவ்வாறு தெரிவித்தார்.

ரணசிங்க பிரேமதாசவின் நிகழ்ச்சியில்

இது தொடர்பில் தொடர்ந்தும் அவர் தெரிவிக்கையில்

சில அரசியல்வாதிகள் கதிர்காமம் சென்று கணதேவியையும், கடவுளையும், விஷ்ணுவையும் வழிபட்டு விட்டு வடக்கே சென்று கோவில் கட்டுவது கூடாது எனக் கூறிக்கொண்டு இரட்டை நிலைப்பாட்டை பின்பற்றுகின்றனர்.

தேசியப் பாடசாலைகளுக்குப் பதிலாக சர்வ தேசியப் பாடசாலைகள் என மாற்ற வேண்டும் | National Schools Should Replace Universal Schools

இதற்கு ரணசிங்க பிரேமதாச அதிபரின் கம் உதாவ நிகழ்ச்சியில் குறிப்பிட்டளவு பதில் வழங்கி ஒவ்வொரு கிராமத்திலும் விகாரை, கோவில், பள்ளிவாசல் என நிர்மானிக்கப்பட்டது.

சர்வ இன தேசியம்

இனம், மதம் என பிளவுபட்டு நிற்பதை விட அனைத்து இன, மதத்தினரும் ஒன்றிணைந்து செயற்பட வேண்டும், அனைவரின் மதம், கலாசாரம் மற்றும் இனத்தை மதிக்கும் சர்வ மத, சர்வ இன தேசியம் உருவாக்கப்பட வேண்டும்.

இதற்கு முதுகெலும்பை நேராக வைத்துக் கொண்டு ஒரு நிலைப்பாட்டில் இருந்து கொண்டு பேச வேண்டும், இந்த வங்குரோத்து நிலையிலிருந்து வெளியே வரும்போது இனவாதம், மதவாதம், தீவிரவாதம் போன்றவற்றை விட்டொழிய வேண்டும்” எனத் தெரிவித்தார்.