இலங்கையின் முக்கிய வங்கியில் 60 மில்லியன் உள்மோசடி! COPF விசாரணையில் அம்பலம்
தேசிய அபிவிருத்தி வங்கிக்குள் (NDB Bank) இடம்பெற்ற உளமோசடி காரணமாக வங்கிக்கு ஏற்பட்ட நிதி இழப்பு ரூ.60 மில்லியனாக பதிவாகியுள்ளதாக பொது நிதிக்குழு தெரிவித்துள்ளது.
ஏப்ரல் 6,2026 அன்று NDB வங்கியால் வெளியிடப்பட்ட ஆரம்பத் தகவலுடன் ஒப்பிடுகையில், மோசடித் தொகையானது ரூ.13.2 பில்லியனிலிருந்து ரூ.13.6 பில்லியனாக அதாவது, ரூ.0.4 பில்லியன் அதிகரித்துள்ளதென தெரிவிக்கப்பட்டுள்ளது.
ஜூன் 22, 2026 வெளியிடப்பட்ட இடைக்கால அறிக்கையின் அடிப்படையில் ஜூன் 26, 2026 அன்று NDB வங்கியால் தெரிவிக்கப்பட்ட தொகையுடன் ஒப்பிடுகையில், கூடுதல் மோசடித் தொகை ரூ. 60 மில்லியனாக பதிவாகியுள்ளது.
அறிக்கை குறித்து கலந்துரையாடல்
NDB வங்கியில் கண்டறியப்பட்ட நிதி முறைகேடுகள் மற்றும் அது தொடர்பான இறுதி தணிக்கை அறிக்கை குறித்து விசாரிப்பதற்காக, பொது நிதிக் குழு அண்மையில் இலங்கை மத்திய வங்கி அதிகாரிகளை நாடாளுமன்றத்திற்கு அழைத்திருந்தது.
நாடாளுமன்ற உறுப்பினர் ஹர்ஷ டி சில்வா தலைமையில் நடைபெற்ற இக்குழுக் கூட்டத்தில், NDB வங்கியின் நிதி அறிக்கைகளில் கண்டறியப்பட்ட முறைகேடுகள், தணிக்கை செயல்முறையில் உள்ள குறைபாடுகள் மற்றும் அது தொடர்பான தணிக்கை அறிக்கைகள் ஆகியவை குறித்து விவாதிக்கப்பட்டது.
நிதி அமைப்பிற்குள் மோசடிகளைத் தடுப்பதற்காக 'லங்காபே' (LankaPay) நிறுவனம் ஒரு மையப்படுத்தப்பட்ட மோசடி கண்காணிப்பு அமைப்பை நிறுவுவதில் அடைந்துள்ள முன்னேற்றம் குறித்தும் குழுவில் கலந்துரையாடப்பட்டது.
பரிவர்த்தனைக் கண்காணிப்பு, தினசரி கணக்குச் சரிபார்ப்பு, நிதி இணக்கம், உள்ளகத் தணிக்கை, கிளை வலையமைப்பு மேலாண்மை, மற்றும் செயல்பாட்டு இடர் மேலாண்மை உள்ளிட்ட பல செயல்பாட்டுப் பகுதிகளில் உள்ள குறைபாடுகள் குழுவில் கலந்துரையாடப்பட்டது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
Tellipallai, கொழும்பு, யாழ்ப்பாணம், வவுனியா, Ontario, Canada
04 Oct, 2026
