யானைகளுக்குச் சிகிச்சை அளிக்கும் காட்சிகளைப் பதிவு செய்த விவகாரம் - காவன்திஸ்ஸ யானை விவகாரத்தில் புதிய சர்ச்சை

Sri Lanka Elephant Death

By Pavi Oct 30, 2026 10:28 PM GMT

Pavi

in சமூகம்

Report

காட்டு யானைகளுக்குச் சிகிச்சை அளிக்கும் நடவடிக்கைகளைப் பதிவு செய்வதற்காக, வனவிலங்கு கால்நடை மருத்துவர்களுடன் பல்வேறு குழுக்கள் காடுகளுக்குள் அழைத்துச் செல்லப்பட்டமை தொடர்பில் விசாரணை நடத்தத் தீர்மானிக்கப்பட்டுள்ளது.

யானைகளுக்குச் சிகிச்சை அளிக்கும் காட்சிகள் காணொளியாகப் பதிவு செய்யப்பட்டு, பணத்திற்காக விற்பனை செய்யப்படுவதாகச் சுற்றாடலியலாளர்கள் சந்தேகம் வெளியிட்டுள்ளனர்.

அனர்த்தங்களால் பாதிக்கப்படும் யானைகளுக்குக் காடுகளுக்குள் சிகிச்சை அளிக்கும்போது, சில குழுக்கள் பல கமராக்களைப் பயன்படுத்தி அவற்றைப் பதிவு செய்து வருவதாகவும் தகவல்கள் வெளியாகியுள்ளன.

சிகிச்சை அளிக்கும் நடவடிக்கை

இவ்வாறு காட்சிகளைப் பதிவு செய்வதற்காக வனவிலங்கு கால்நடை மருத்துவர்களின் அனுமதியுடன் சிலர் காடுகளுக்குள் அழைத்துச் செல்லப்பட்டதாகவும் தெரிவிக்கப்படுகிறது.

யானைகளுக்குச் சிகிச்சை அளிக்கும் காட்சிகளைப் பதிவு செய்த விவகாரம் - காவன்திஸ்ஸ யானை விவகாரத்தில் புதிய சர்ச்சை | New Controversy Kavanthissa Elephant Issue

குறிப்பாக, துப்பாக்கிச் சூட்டுக்கு இலக்காகி உயிரிழந்த ‘காவன்திஸ்ஸ’ யானைக்கு சிகிச்சை அளிக்கப்பட்ட விதம் தொடர்பில் கேள்விகள் எழுந்துள்ள நிலையில், இந்த விவகாரம் மேலும் கவனம் பெற்றுள்ளது.

இதனையடுத்து, சம்பவம் தொடர்பில் திணைக்கள மட்டத்தில் விசாரணை நடத்த நடவடிக்கை எடுக்கப்பட்டுள்ளதாக வனவிலங்கு மற்றும் மிருகக்காட்சிசாலை கால்நடை மருத்துவச் சங்கத்தின் தலைவர் மருத்துவர் நிஹால் புஷ்பகுமார தெரிவித்துள்ளார்.