சிறிலங்காவின் புதிய அதிபராக ரணில் இன்று பதவிப் பிரமாணம்

Ranil Wickremesinghe President of Sri lanka Sri Lankan political crisis

By Kiruththikan Jul 21, 2022 01:23 AM GMT

Kiruththikan

in அரசியல்

Report

சிறிலங்காவின் புதிய அதிபர்

சிறிலங்காவின் 8 ஆவது நிறைவேற்று அதிகாரம் கொண்ட அதிபராக தெரிவு செய்யப்பட்டுள்ள ரணில் விக்ரமசிங்க நாடாளுமன்ற கட்டடத்தொகுதியில் இன்று வியாழக்கிழமை காலை 10 மணியளவில் பிரதம நிதியரசர் முன்னிலையில் பதவிப் பிரமாணம் செய்துகொள்ளவுள்ளார்.

1981 ஆம் ஆண்டு 02 ஆம் இலக்க அதிபர் தெரிவு உறுப்புரைகள் மற்றும் அரசியலமைப்பின் 40ஆவது உறுப்புரை ஆகியவற்றின் பிரகாரம் நாடாளுமன்றில் இடம் பெற்ற இரகசிய வாக்கெடுப்பின் ஊடாக 8ஆவது நிறைவேற்று அதிகாரம் கொண்ட அதிபராக ரணில் விக்ரமசிங்க நேற்று தெரிவு செய்யப்பட்டார்.

நாடாளுமன்றில் இடம்பெற்ற இரகசிய வாக்கெடுப்பில் 134 வாக்குகளை பெற்று ரணில் விக்ரமசிங்க சிறிலங்காவின் புதிய அதிபராக தெரிவு செய்யப்பட்டுள்ளார் என்பதை நாடாளுமன்ற செயலாளர் நாயகம் தம்மிக தஸநாயக்க சபைக்கு அறிவித்தார்.

நாடாளுமன்ற கட்டடத்தொகுதியில் பதவி பிரமாணம்

சிறிலங்காவின் புதிய அதிபராக ரணில் இன்று பதவிப் பிரமாணம் | New President Of Sri Lanka Oath Of Office

சிறிலங்காவின் புதிய அதிபராக அறிவிக்கப்பட்டதை தொரடந்து சபையில் விசேட உரையாற்றிய சிறிலங்காவின் அதிபர் ரணில் விக்ரமசிங்க எனது வாழ்க்கையில் நாடாளுமன்றில் அதிக காலத்தை செலவழித்துள்ளேன் என குறிப்பிட்டதை தொடர்ந்து தனது பதவி பிரமாணம் நாடாளுமன்ற கட்டடத்தொகுதியில் இடம்பெற வேண்டும் என சபாநாயகரிடம் வலியுறுத்தினார்.

அதற்கமைய 8 ஆவது நிறைவேற்றுத்துறை அதிகாரம் கொண்ட சிறிலங்காவின் புதிய அதிபராக ரணில் விக்ரமசிங்க இன்று காலை 10 மணியளவில் நாடாளுமன்ற கட்டத்தொகுதியில் பிரதம நீதியரசர் முன்னிலையில் பதவி பிரமாணம் செய்துகொள்ளவுள்ளார்.

சிறிலங்காவின் 8 ஆவது நிறைவேற்று அதிகாரம் கொண்ட அதிபராக ரணில் விக்ரமசிங்க நாடாளுமன்றத்தின் ஊடாக தெரிவு செய்யப்பட்டுள்ளார் என்பதை உறுதிப்படுத்தி நாடாளுமன்ற செயலாளர் நாயகம் மூன்று நாட்களுக்குள் அதிவிசேட வர்த்தமானியை வெளியிடுவார் என்பதும் குறிப்பிடத்தக்கது.

மேலும் இது தொடர்பான செய்திகளைப் படிக்க இங்கே கிளிக் செய்யவும்