திருமணமான 17 நாட்களில் பலியான மாப்பிள்ளை: சடலங்களாக மீட்க்கப்பட்ட 4 இளைஞர்கள்

Sri Lanka Police Death

By Thulsi Nov 09, 2026 08:15 AM GMT

Thulsi

in சமூகம்

Report

தெனியாய பகுதியில் உள்ள ஆற்றில் நீராடச் சென்று நீரில் மூழ்கி காணாமல் போன 4 இளைஞர்களின் சடலங்கள் மீட்கப்பட்டுள்ளதாக காவல்துறையினர் தெரிவித்துள்ளனர்.

நீரில் அடித்து செல்லப்பட்டு உயிரிழந்த நால்வரில் ஒருவர் கடந்த 17 நாட்களுக்கு முன்னரே திருமண பந்தத்தில் இணைந்துள்ளதாக தெரியவந்துள்ளது.

உயிரிழந்தவர் களனிப் பல்கலைக்கழகத்தில் உயர் கல்வி கற்று, கொழும்பின் முன்னணி தனியார் நிறுவனம் ஒன்றில் கணினிப் பொறியியலாளராக பணியாற்றிய 34 வயது பிஷான் பிரபாத்வர என அடையாளம் காணப்பட்டுள்ளார்.

துயர சம்பவம்

குறித்த இளைஞன் கடந்த மாதம் 21ஆம் திகதி திருமண பந்தத்தில் இணைந்த நிலையில் 17 நாட்களில் இந்த துயர சம்பவம் பதிவாகி உ்ள்ளது.

திருமணமான 17 நாட்களில் பலியான மாப்பிள்ளை: சடலங்களாக மீட்க்கப்பட்ட 4 இளைஞர்கள் | Newly Married Person Drown Dead

தெனியாய, பெவரலிய பகுதியில் அமைந்துள்ள ஆற்றில் நேற்று முன்தினம் பிற்பகலில் நீராடச் சென்ற இளைஞர்கள் 4 பேர் நீரில் மூழ்கி காணாமல் போயிருந்தனர்.

தனியார் கணினி நிறுவனமொன்றில் பணிபுரியும் 7 இளைஞர்கள் அடங்கிய குழுவினர் சுற்றுலா வந்திருந்த வேளையிலேயே இச்சம்பவம் இடம்பெற்றுள்ளது.

இவர்களில் 6 பேர் குறித்த பகுதியில் நீராடச் சென்றுள்ள நிலையில், எதிர்பாராதவிதமாக நால்வர் நீரில் மூழ்கி காணாமல் போயிருந்தனர்.

இளைஞர்களின் சடலங்கள்

காணாமல் போனவர்களைத் தேடும் பொருட்டு காவல்துறையினரும் கடற்படையினரும் தேடுதல் நடவடிக்கைகளை தொடர்ந்து முன்னெடுத்து வந்த நிலையில் நீரில் மூழ்கி காணாமல் போயிருந்த இரு இளைஞர்களின் சடலங்கள் சம்பவத்தன்று மீட்கப்பட்டுள்ளன.

இந்நிலையில் காணாமல் போயுள்ள ஏனைய இரு இளைஞர்களையும் மீட்பதுக்காக காவல்துறையினர், கடற்படை மற்றும் பிரதேசவாசிகளின் உதவியுடன் தேடுதல் நடவடிக்கைகள் தொடர்ந்து முன்னெடுத்திருந்ததோடு, நேற்றைய தினம் பிற்பகல் அளவில் குறித்த இருவரது சடலங்களும் மீட்கப்பட்டன.