சபாநாயகருக்கு எதிரான நம்பிக்கையில்லாப் பிரேரணை : சபை முதல்வரின் முக்கிய அறிவிப்பு
சபாநாயகர் ஜகத் விக்ரமரத்னவுக்கு எதிராக எதிர்க்கட்சிகளினால் சமர்ப்பிக்கப்பட்டுள்ள நம்பிக்கையில்லாப் பிரேரணை குறித்து சபை முதல்வரும் அமைச்சருமான பிமல் ரத்நாயக்க கருத்து வெளியிட்டுள்ளார்.
அதன்படி, குறித்த பிரேரணை எதிர்வரும் நவம்பர் 3ஆம் திகதி விவாதத்திற்கு எடுத்துக்கொள்ளப்பட மாட்டாது என பிமல் ரத்நாயக்க தெரிவித்துள்ளார்.
குறித்த பிரேரணை, நாடாளுமன்ற நிலையியற் கட்டளைகளுக்கு அமைவாகத் திருத்தப்பட்டு, ஒக்டோபர் 28ஆம் திகதிக்கு முன்னர் கையளிக்கப்படவில்லை என்பதே இதற்கான காரணம் எனவும் அவர் மேலும் குறிப்பிட்டுள்ளார்.
நாடாளுமன்ற செயலாளர் நாயகம்
நாடாளுமன்ற நடவடிக்கைகளை முன்னெடுப்பதில் சபாநாயகர் ஒருதலைப்பட்சமாகவும் ஜனநாயகத்துக்கு முரணாகவும் செயற்பட்டுள்ளதாகக் குற்றம் சுமத்தியும் அவர் அந்தப் பதவிக்கு தகுதியற்றவர் எனக் கூறியும் எதிர்க்கட்சியினரால் நாடாளுமன்றத்தில் நம்பிக்கையில்லாப் பிரேரணையொன்று தாக்கல் செய்யப்பட்டிருந்தது.
குறித்த நம்பிக்கையில்லாப் பிரேரணை எதிர்க்கட்சி உறுப்பினர்களால் கடந்த ஒன்பதாம் திகதி நாடாளுமன்ற செயலாளர் நாயகம் குஷானி ரோஹனதீரவிடம் கையளிக்கப்பட்டிருந்தது.
சபாநாயகருக்கு எதிரான 50 குற்றச்சாட்டுகளை அடிப்படையாகக் கொண்டு தயாரிக்கப்பட்டுள்ள இந்த நம்பிக்கையில்லாப் பிரேரணையில் 44 நாடாளுமன்ற உறுப்பினர்கள் கையொப்பமிட்டுள்ளதாகத் தெரிவிக்கப்பட்டது.
இந்தநிலையில் எதிர்வரும் நவம்பர் மூன்றாம் திகதி திருத்தப்பட்ட நம்பிக்கையில்லாப் பிரேரணை மீதான விவாதம் நடைபெறவுள்ளதாக நாடாளுமன்ற செயலாளர் நாயகம் அலுவலகம் முன்னர் அறிவித்திருந்தமை குறிப்பிடத்தக்கது.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
இமையானன் கிழக்கு உடுப்பிட்டி, சுவிஸ், Switzerland, London East Ham, United Kingdom
14 Oct, 2026
Seremban, Malaysia, நெல்லியடி, மண்டபம், India, Harrow, United Kingdom
30 Oct, 2021
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
புங்குடுதீவு 9ம் வட்டாரம், புங்குடுதீவு 12ம் வட்டாரம், கொழும்பு
29 Sep, 2026
புலோலி கிழக்கு, Villeneuve-Saint-Georges, France
30 Sep, 2026
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018