சீனா, வடகொரியா இடையே புதிய எல்லைப் பாலம் திறந்து வைப்பு

Government of China China North Korea

By Thulsi Oct 15, 2026 07:45 AM GMT

Thulsi

in உலகம்

Report

சீனா மற்றும் வடகொரியா இடையே நீண்டகாலமாகத் தாமதிக்கப்பட்டு வந்த புதிய எல்லைப் பாலம் உத்தியோகபூர்வமாகத் திறக்கப்பட்டுள்ளதாக சீன அரச ஊடகங்கள் தெரிவித்துள்ளன.

சீனாவும் வட கொரியாவும் தங்களின் மிக முக்கியமான தரைவழி எல்லைக் கடக்கும் பாலத்தை வியாழக்கிழமை அதிகாரப்பூர்வமாகத் திறந்து வைத்தன.

தொடக்க விழாவில் காணொளி வாயிலாக உரையாற்றிய சீனாவின் பிரதமர் லி கியாங், இரு நாடுகளுக்கும் இடையிலான உறவுகள் “ஒரு புதிய கட்டத்திற்குள் நுழைந்து, ஒரு புதிய அத்தியாயத்தைத் திறக்கின்றன” என்று கூறியதாக சின்ஹுவா செய்தி வெளியிட்டுள்ளது.

பாலத்தின் கட்டுமானப் பணிகள்

சீனாவின் எல்லை நகரமான டாண்டொங் மற்றும் வடகொரியாவின் சிணுஜு நகரம் ஆகியவற்றை இணைக்கும் வகையில், சுமார் 3 கிலோமீற்றர் நீளத்தில் இந்தப் புதிய யாலு ஆற்றுப் பாலம் அமைக்கப்பட்டுள்ளது.

சீனா, வடகொரியா இடையே புதிய எல்லைப் பாலம் திறந்து வைப்பு | North Korea And China Open New River Bridge

இந்தப் பாலத்தின் கட்டுமானப் பணிகள் 2014 ஆம் ஆண்டிலேயே நிறைவடைந்திருந்தன.

எனினும், இரு நாடுகளுக்கும் இடையிலான உறவுகளில் ஏற்பட்ட விரிசல் மற்றும் வடகொரியா தனது வீதி மற்றும் சுங்கக் கட்டமைப்புப் பணிகளை நிறுத்தி வைத்தமை உள்ளிட்ட காரணங்களால், அதன் திறப்பு விழா காலவரையின்றி ஒத்தி வைக்கப்பட்டிருந்தது.

இது இரு நாடுகளுக்கும் இடையிலான வர்த்தகம் மற்றும் மக்கள் போக்குவரத்தை மேலும் துரிதப்படுத்தும் எனச் சீன வெளிவிவகார அமைச்சின் பேச்சாளர் மாவோ நிங் தெரிவித்துள்ளார்.