வர்த்தகர்களுக்கு உள்நாட்டு இறைவரி திணைக்களம் விடுத்துள்ள எச்சரிக்கை

Businessman Income Tax Department

By Jaso Aug 11, 2024 01:17 PM GMT

Jaso

in குற்றம்

Report

ஒரு குறிப்பிட்ட குழுவினர் வர்த்தகர்களிடம் சென்று உள்நாட்டு இறைவரித் திணைக்கள அதிகாரிகளாக காட்டிக் கொண்டு பணம் வசூலிப்பதாக உள்நாட்டு இறைவரித் திணைக்களம் தெரிவித்துள்ளது.

பணம் பெற வருபவர்களிடம் பணம் கொடுப்பதை தவிர்க்குமாறு உள்நாட்டு இறைவரித் திணைக்களம் தெரிவித்துள்ளது.

காவல்துறையில் முறைப்பாடு

இவ்வாறானவர்களை சட்டத்தின் முன் நிறுத்தும் வகையில் இது தொடர்பான சம்பவங்கள் தொடர்பில் சட்ட நடவடிக்கை எடுக்குமாறு உள்நாட்டு இறைவரி திணைக்களம் காவல்துறையில் முறைப்பாடு செய்துள்ளது.

வர்த்தகர்களுக்கு உள்நாட்டு இறைவரி திணைக்களம் விடுத்துள்ள எச்சரிக்கை | Notification From The Inland Revenue Department

இவ்வாறு அறவிடப்படும் தொகைக்கு தாம் பொறுப்பல்ல என உள்நாட்டு இறைவரி ஆணையாளர் நாயகம் விடுத்துள்ள அறிவிப்பில் தெரிவித்துள்ளார்.

வரி செலுத்துவதில் பிரச்சனைகள்

உள்நாட்டு இறைவரி ஆணையாளர் நாயகத்தால் நிர்வகிக்கப்படும் அனைத்து வகையான வரிகள் தொடர்பான வரி வசூல் நிலுவைத் தொகைகள் சட்டரீதியாகவும் முறையாகவும் எழுத்து மூலம் அறிவிக்கப்படும் என அனைத்து வரி செலுத்துவோருக்கும் அவர் அறிவித்துள்ளார்.

மேலும், வரி செலுத்துவதில் ஏதேனும் பிரச்சனைகள் இருப்பின் அருகில் உள்ள பிராந்திய அலுவலகம் அல்லது உள்நாட்டு இறைவரி திணைக்களத்தின் பிரதான அலுவலகத்திற்கு வந்து அப்பிரச்சினைகளை தீர்த்துக்கொள்ளுமாறு உள்நாட்டு இறைவரி ஆணையாளர் நாயகம் மேலும் தனது அறிவிப்பில் தெரிவித்துள்ளார்.