ஊழல் மோசடி வலைக்குள் சிக்கியுள்ள என்.பி.பி உறுப்பினர்கள்
ஊழல் மோசடிகளை இல்லாதொழிப்பதாக தெரிவித்து ஆட்சிக்கு வருகைத்தற்த தேசிய மக்கள் சக்தி அரசாங்கத்தின் பல உறுப்பினர் இன்று அதே ஊழல் மோசடி வலைக்குள் சிக்கியுள்ளதாக எதிர்கட்சி நாடளுமன்ற உறுப்பினர் அஜித். பி. பெரேரா தெரிவித்துள்ளார்.
முன்னான் அமைச்சராக இருந்த குமார ஜயக்கொடிக்கு குற்றப்பத்திரம் கையளிக்கப்பட்டுள்ளது என்ற விடயத்தை நாடாளுமன்றில் சுட்டிக்காட்டிய அவர் 323 கொள்கலன் விடுவிப்பு குறித்தும் கேள்வி எழுப்பியிருந்தார்.
இது குறித்து மேலும் கருத்து வெளியிட்ட அவர்,
அநுர தவரவிட்ட விடயம்
கல்விக்கான ஒதுக்கீடு, மொத்த தேசிய உற்பத்தியில் நூற்றுக்கு 6வீதம் ஒதுக்க வேண்டும் என கடந்த காலங்களில் போராட்டம் மேற்கொண்டவர்கள், இன்று அரசாங்கத்தை ஏற்றுக்கொண்ட பின்னர் 3 வரவு செலவு திட்டங்களை முன்வைத்துள்ளபோதும் அவர்கள் தெரிவித்துவந்த 6வீத ஒதுக்கீட்டை கல்விக்கு ஒதுக்குவதற்கு முடியாமல் போயிருக்கிறது.
கடந்த வரவு செலவு திட்டத்தில் கல்விக்குமொத்த தேசிய உற்பத்தியில் 2.04 வீதமே ஒதுக்கப்பட்டிருந்தது. அப்போது இது போதாது என தெரிவிக்கப்பட்டது.
ஆனால் 2027ஆம் ஆண்டுக்கான வரவு செலவு திட்டத்தில் கடந்த வருத்தத்தைவிட குறைவாக 1.91 வீதமே ஒதுக்கப்பட்டிருக்கிறது.
இது வெட்கப்பட வேண்டிய விடயமாகும். அத்துடன் கல்வித்துறையை முன்னேற்றுவதற்காக 50 பல்கலைக்கழங்களை அமைப்பதாக ஜனாதிபதி இந்த சபையில் இதற்கு முன்னர் தெரிவித்திருந்தார்.
ஆனால் அடுத்த வருடத்துக்காக ஜனாதிபதி முன்வைத்திருக்கும் வரவு செலவு திட்டத்தில் பல்கலைக்கழகம் அமைப்பதற்கு ஒரு ரூபா கூட ஒதுக்கப்படவில்லை.
இது தவறி இருக்கலாம் என நினைத்து அது தொடர்பில் நான் நினைவுபடுத்தினேன். ஆனால் இதுவரை அதுதொடர்பில் அரசாங்கம் எந்த பதிலையும் வழங்காமல் இருப்பதால், ஜனாதிபதி மக்களை உட்சாகப்படுத்துவதற்கு இவ்வாறு தெரிவித்தாலும் பல்கலைக்கழகம் அமைப்பது எவ்வாறு இருந்தாலும் அதுதொடர்பில் அரசாங்கம் நினைத்துக்கூட பார்க்கவில்லை என்பது தெளிவாகிறது.
பிரதான குற்றச்சாட்டு
அத்துடன் இந்த அரசாங்கத்துக்கு எதிராக தெரிவிக்கப்படும் பிரதான குற்றச்சாட்டுதான் 323 கொள்கலன்கள் எந்தவித பரிசாேதனையும் இல்லாமல் சுங்கத்தில் இருந்து விடுவித்தமை தொடர்பில், கடந்த வருடம் ஜனவரி மாதம் இந்த சம்பவம் இடம்பெற்றது.
சுங்கத்தில் கொள்கலன்கள் நெருக்கடி நிலை ஏற்பட்டதால், கொள்கலன்களை விடுவிக்க உடனடியாக நடவடிக்கை எடுக்குமாறு ஜனாதிபதி, துறைமுகத்துக்கு பொறுப்பான அமைச்சர் மற்றும் பிரதி அமைச்சர் இந்த நடவடிக்கையை மேற்கொண்டுள்ளதாகவே தெரியவந்தது.
என்றாலும் இவ்வாறு விடுவிக்கப்பட்ட 223 கொள்கலன்கள் கட்டயாமாக பரிசோதிக்கப்பட வேண்டியவைகள் என சுங்க தொழிற்சங்கங்கள் தெரிவித்திருந்தன.” என கூறியுள்ளார்.
புங்குடுதீவு 3ம் வட்டாரம், கொட்டாஞ்சேனை, Vaughan Ontario, Canada
03 Oct, 2026
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
யாழ்ப்பாணம், Cinnamon Gardens, Colombo, Wimbledon, United Kingdom
06 Nov, 2026
கோண்டாவில் மேற்கு, Greven, Germany, Münster, Germany, Nordwalde, Germany, High Wycombe, United Kingdom
29 Oct, 2026
இமையானன் கிழக்கு உடுப்பிட்டி, சுவிஸ், Switzerland, London East Ham, United Kingdom
14 Oct, 2026
