அனைத்து அரச அதிகாரிகளுக்கும் உத்தியோகபூர்வ மின்னஞ்சல் : வெளியான அறிவிப்பு

Government Employee Government Of Sri Lanka Ministry of Digital Economy

By Sathangani Oct 07, 2026 06:55 AM GMT

Sathangani

in சமூகம்

Report

நாட்டிலுள்ள அனைத்து அரசாங்க அதிகாரிகளுக்கும் உத்தியோகபூர்வ மின்னஞ்சல் முகவரிகளை வழங்க அரசாங்கம் முடிவு செய்துள்ளதாக டிஜிட்டல் பொருளாதார அமைச்சு தெரிவித்துள்ளது.

இந்த முயற்சி, பொதுச் சேவையை இணைக்கவும், அரசாங்க நிறுவனங்களுக்கு இடையே விரைவான தகவல் தொடர்பை எளிதாக்கவும் உதவும் என்று பிரதி அமைச்சர் எரங்க வீரரத்ன தெரிவித்துள்ளார்.

உத்தியோகபூர்வ மின்னஞ்சல் முறையானது, ஆவணங்களையும் பிற அத்தியாவசிய தரவுகளையும் பகிர்வதை எளிதாக்குவதோடு, காணொளிக் கலந்துரையாடல் போன்ற செயற்பாடுகளுக்கும் உதவும் என்றும் அமைச்சர் மேலும் சுட்டிக்காட்டினார்.

டிஜிட்டல் மயமாக்கல் திட்டம்

அத்துடன் தற்போது பல அரசாங்க அதிகாரிகள் உத்தியோகபூர்வ பணிகளுக்காக தனிப்பட்ட மின்னஞ்சல் முகவரிகளைப் பயன்படுத்துகின்றனர் என்று பிரதி அமைச்சர் குறிப்பிட்டார்.

அனைத்து அரச அதிகாரிகளுக்கும் உத்தியோகபூர்வ மின்னஞ்சல் : வெளியான அறிவிப்பு | Official Email Addresses To All Govt Officers

அரசாங்கத்தால் வழங்கப்படும் மின்னஞ்சல் முகவரிகளை அறிமுகப்படுத்துவது, தரவுப் பரிமாற்றத்தை நெறிப்படுத்தவும், அரசாங்கத்தின் டிஜிட்டல் மயமாக்கல் திட்டத்தை மேலும் விரைவுபடுத்தவும் உதவும் என்று அவர் தெரிவித்தமை குறிப்பிடத்தக்கது.