தேரரின் தாக்குதலில் முதியவர் உயிரிழப்பு
கிரிஉல்ல காவல்துறை பிரிவுக்கு உட்பட்ட மாரவிட பிரதேசத்தில் தேரர் ஒருவரின் தாக்குதலுக்கு இலக்காகி முதியவர் ஒருவர் உயிரிழந்துள்ளார்.
இந்த சம்பவம் நேற்று (7) இடம்பெற்றுள்ளதாக கிரிஉல்ல காவல்துறையினர் தெரிவித்துள்ளனர்.
கிரிஉல்ல, மாரவிட பிரதேசத்தில் உள்ள வீடொன்றில் காயமடைந்த நிலையில் முதியவரொருவர் காணப்படுவதாக காவல்துறையினருக்கு தகவல் கிடைத்துள்ளது.
தேரரினால் தாக்குதல்
இதனையடுத்து, காயமடைந்த முதியவர் தம்பதெனிய வைத்தியசாலையில் அனுமதிக்கப்பட்ட பின்னர் உயிரிழந்துள்ளதாக காவல்துறையினர் குறிப்பிட்டனர்.
கல்கொடேவத்த, மாரவிட பிரதேசத்தைச் சேர்ந்த 72 வயதுடைய முதியவரொருவரே இவ்வாறு உயிரிழந்துள்ளார்.
உயிரிழந்த முதியவரின் உறவினரான தேரர் ஒருவரினால் இந்த தாக்குதல் இடம்பெற்றுள்ளதாக காவல்துறை விசாரணையில் தெரியவந்துள்ளது.
காவல்துறையினர் விசாரணை
சந்தேக நபரான தேரர் விகாரையொன்றில் பணிபுரியாமல் தனது தாயின் வீட்டில் வசித்து வருவதாகவும் சந்தேக நபர் போதைப்பொருளுக்கு அடிமையானவர் எனவும் விசாரணையில் மேலும் தெரியவந்துள்ளது.
இந்த சம்பவத்தையடுத்து சந்தேக நபர் பிரதேசத்தை விட்டுத் தப்பிச் சென்றுள்ளதாக காவல்துறையினர் தெரிவித்தனர்.
இந்த சம்பவம் தொடர்பான மேலதிக விசாரணைகளை கிரிஉல்ல காவல்துறையினர் மேற்கொண்டு வருகின்றனர்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள் |
புங்குடுதீவு 11ம் வட்டாரம், மல்லாவி, ஆனைப்பந்தி, Toronto, Canada
21 Jul, 2025
புங்குடுதீவு 10ம் வட்டாரம், புங்குடுதீவு, கொழும்பு, Brampton, Canada
13 Jun, 2026
மலேசியா, Malaysia, மானிப்பாய், Duisburg, Germany, London, United Kingdom
10 Jul, 2026
புதுக்குளம், Ilford, United Kingdom, பிரித்தானியா, United Kingdom
10 Jul, 2019
