காவல் நிலையத்தில் உயிரிழந்த குடும்பஸ்தரின் மரணத்தில் திறந்த தீர்ப்பு: உடற்பாகங்கள் இரசாயன பகுப்பாய்வுக்கு!

Sri Lanka Police Sri Lanka Police Investigation Law and Order

By Shalini Balachandran Oct 27, 2026 01:02 PM GMT

Shalini Balachandran

in சமூகம்

Report

ஹோமாகம காவல்துறையினரால் கைது செய்யப்பட்டுப் காவல்துறை காவலில் இருந்த போது உயிரிழந்த குடும்பஸ்தரின் பிரேதப் பரிசோதனையைடுத்து திறந்த தீர்ப்பு வழங்கப்பட்டுள்ளது.

களுபோவிலவில் அமைந்துள்ள கொழும்பு தெற்கு போதனா வைத்தியசாலையின் திடீர் மரண விசாரணை அதிகாரி மற்றும் சட்ட மருத்துவ அதிகாரியினால் (JMO) இப்பிரேதப் பரிசோதனை முன்னெடுக்கப்பட்டது.

பிரேதப் பரிசோதனை நடவடிக்கைகள் நிறைவடைந்ததைத் தொடர்ந்து சந்தேகநபரின் சடலம் அவரது உறவினர்களிடம் ஒப்படைக்கப்பட்டுள்ளதாக காவல்துறையினர் தெரிவித்துள்ளனர்.

மேலதிக பரிசோதனை

போதைப்பொருள் குற்றச்சாட்டின் பேரில் கடந்த (25-10-2027) காலை ஹோமாகம காவல்துறை அதிகாரிகளால் கைது செய்யப்பட்டு சிறையில் அடைக்கப்பட்ட குடும்பஸ்தர் ஒருவர் கொடூரமாகத் தாக்கிக் கொல்லப்பட்டதாக அவரது உறவினர்கள் குற்றம் சாட்டி இருந்தனர்.

இறந்தவர், கிரிவத்துடுவ, முனமலேவத்த எனும் இடத்தைச் சேர்ந்த ஒரு குழந்தைக்குத் தந்தையான 29 வயது இஷாரா ஹர்ஷ குமார என்பவராவார்.

காவல் நிலையத்தில் உயிரிழந்த குடும்பஸ்தரின் மரணத்தில் திறந்த தீர்ப்பு: உடற்பாகங்கள் இரசாயன பகுப்பாய்வுக்கு! | Open Verdict On Homagama Police Custody Death

இந்தநிலையில் காவல்துறையின் தடுப்புக் காவலில் வைக்கப்பட்டிருந்த போதே அவருக்குத் திடீரென உடல்நலக்குறைவு ஏற்பட்டதாக தெரிவிக்கப்படுகின்றது.

இதையடுத்து, அவர் உடனடியாக வைத்தியசாலையில் அனுமதிக்கப்பட்ட போதிலும் சிகிச்சை பலனின்றி உயிரிழந்தாக கூறப்படுகின்றது.

மரணத்திற்கான துல்லியமான காரணத்தை உடனடியாக உறுதிப்படுத்த முடியாத நிலையில் சட்ட மருத்துவ அதிகாரியினால் திறந்த தீர்ப்பு வழங்கப்பட்டுள்ளதுடன் மேலதிக பரிசோதனைகளுக்காகச் உடற்பாகங்கள் அரச இரசாயன பகுப்பாய்வாளருக்கு அனுப்பி வைக்கப்படவுள்ளமை குறிப்பிடத்தக்கது.