இந்த ஆண்டுக்கான உயர்தரப் பரீட்சையை ஒத்திவைக்குமாறு வலியுறுத்தும் சஜித்

Sajith Premadasa Sri Lanka Department of Examinations Sri Lanka G.C.E.(A/L) Examination

By Shadhu Shanker Sep 04, 2023 08:26 AM GMT

Shadhu Shanker

in அரசியல்

Report

இந்த ஆண்டிற்கான உயர்தரப் பரீட்சையை பிற்போடுவதற்கு அரசாங்கம் நடவடிக்கை எடுக்க வேண்டுமென எதிர்க்கட்சித் தலைவர் சஜித் பிரேமதாச வலியுறுத்தியுள்ளார்.

செப்டெம்பர் முதல் வாரத்தில் 2022 உயர்தரப் பரீட்சை பெறுபேறுகள் வெளியாகும் என தெரிவிக்கப்பட்டுள்ள நிலையில், அவர் இவ்வாறு தெரிவித்துள்ளார்.

இவ்வருடம் உயர்தரப் பரீட்சைக்கு தோற்றவுள்ள மாணவர்களின் உரிமைகளையும் நடைமுறைச் சூழலையும் புறக்கணிக்கும் வகையில் பரீட்சை திணைக்களம் செயற்படுவதாக மேலும் அவர் சுட்டிக்காட்டியுள்ளார்.

கால அவகாசம் போதாது

2022 உயர்தரப் பரீட்சை பெறுபேறுகள் வெளியிடப்படாத நிலையில், 2023ஆம் ஆண்டுக்கான பரீட்சை நவம்பரில் நடத்தப்பட்டால், மாணவர்கள் பாரிய அநீதிக்கு ஆளாக நேரிடும் எனவும் அவர் குறிப்பிட்டுள்ளார்.

sajith premadasa

அதேவேளை, நவம்பர் மாதத்தில் பரீட்சையை நடாத்த திட்டமிட்டுள்ள நிலையில், இரண்டாவது தடவையாக பரீட்சைக்குத் தயாராகும் மாணவர்கள் பரீட்சைக்குத் தயாராவதற்கு இரண்டு மாதங்களுக்கும் கூட அவகாசம் இல்லையென குற்றம் சாட்டியுள்ளார்.

மேலும், பாடப்பிரிவுகளை மாற்றி மீண்டும் பரீட்சைக்கு அமர்கின்ற மாணவர்களுக்கும் இந்த கால அவகாசம் போதாது எனவும் அவர் சுட்டிக்காட்டியுள்ளார்.

மேலும் இது தொடர்பான செய்திகளைப் படிக்க இங்கே கிளிக் செய்யவும்