அரசுக்கெதிராக எதிர்க்கட்சி தீட்டும் சதித்திட்டம் : முன்னாள் அமைச்சர் எச்சரிக்கை
அனைத்து வலதுசாரி கட்சிகளும் அரசாங்கத்திற்கு எதிராக ஒரு பெரிய சதித்திட்டத்தை செயல்படுத்த ஒன்றிணைந்து வருகின்றன, ஆனால் அந்த சதித்திட்டம் நிச்சயமாக தோல்வியடையும் என்று முன்னாள் அமைச்சர் வாசுதேவ நாணயக்கார தெரிவித்துள்ளார்.
இது தொடர்பாக அவர் மேலும் தெரிவிக்கையில், போதைப்பொருட்களையும் பாதாள உலகத்தையும் ஒடுக்குவதற்கான அரசாங்கத்தின் திட்டம் மிகவும் பாராட்டத்தக்கது .
அரசுக்கெதிராக மக்களிடையே தீவிரமான எதிர்ப்பு இல்லை
எதிர்க்கட்சி தனது அரசியல் பிழைப்புக்காக முன்வைக்கும் ஆதாரமற்ற குற்றச்சாட்டுகளை மக்கள் முற்றிலுமாக நிராகரிப்பதாகக் கூறினார்.
"இந்த வரவுசெலவுத் திட்டத்தின் மூலம் மக்கள் எதிர்பார்க்கும் நிவாரணத்தை அரசாங்கம் வழங்கும் என்ற நம்பிக்கை மக்களிடையே உள்ளது. தற்போது இந்த அரசாங்கத்திற்கு எதிராக மக்களிடையே எந்தவொரு தீவிரமான எதிர்ப்பும் இல்லை. ஏனென்றால், இந்த அரசாங்கத்தின் மீது மக்களுக்கு நம்பிக்கை இருக்கிறது.
இந்த அரசாங்கம் ஆட்சிக்கு வந்ததிலிருந்து செய்த மிகப்பெரிய காரியம், போதைப்பொருள் வர்த்தகத்தை ஒடுக்கியதும், ஒழுங்கமைக்கப்பட்ட குற்றவாளிகளை ஒடுக்கியதும்தான். இந்த நாட்டு மக்களுக்கு அரசாங்கத்தின் மீது மிகுந்த மதிப்பு உள்ளது.
தோல்வியில் முடியப்போகும் எதிர்க்கட்சியின் சதி
எதிர்க்கட்சிகள் எப்போதும் அரசாங்கத்தை எதிர்க்க வேண்டும். இல்லையெனில், எதிர்க்கட்சிகளால் நிலைத்து நிற்க முடியாது. அனைத்து வலதுசாரி கட்சிகளும் ஒன்றிணைந்து அரசாங்கத்திற்கு எதிராகப் பெரும் கூச்சலிட்டு, ஒரு பெரிய சதியைத் தீட்டுகின்றன.
ஆனால் அந்தச் சதி தோல்வியடையப் போகிறது. அதற்கு மக்களிடமிருந்து எந்தப் பதிலும் இல்லை.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
மானிப்பாய், Florida, United States, Southgate, United Kingdom
24 Sep, 2026
புங்குடுதீவு 7ம் வட்டாரம், இராமநாதபுரம், Villetaneuse, France
27 Oct, 2025
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
குப்பிளான், London, United Kingdom, பிரான்ஸ், France
23 Oct, 2021
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026