இலங்கைக்குப் படையெடுக்கும் சுற்றுலாப் பயணிகள்!

Sri Lanka Tourism Sri Lanka Tourism

By Shalini Balachandran Aug 19, 2026 12:33 AM GMT

Shalini Balachandran

in சமூகம்

Report

ஆகஸ்ட் மாதத்தின் முதல் 16 நாட்களில் மொத்தம் 113,307 சுற்றுலாப் பயணிகள் இலங்கைக்கு வருகை தந்துள்ளனர்.

இலங்கை சுற்றுலா வளர்ச்சி அதிகார சபை (SLTDA) வெளியிட்டுள்ள சமீபத்திய தரவுகளின்படி இந்த தகவல் வெளியாகியுள்ளது.

இதனடிப்படையில், இக்காலப்பகுதியில் இந்தியா தொடர்ந்து முதன்மையான சுற்றுலா மூல நாடாகத் திகழ்ந்துள்ளது.

சுற்றுலாப் பயணிகள்

இந்தியாவிலிருந்து 25,355 இந்தியக் குடிமக்கள் இலங்கைக்கு வருகை தந்துள்ள நிலையில் இது மொத்த வருகையில் சுமார் 22 வீதம் ஆகும்.

இதற்கிடையில், அதே காலகட்டத்தில் ஐக்கிய இராச்சியத்திலிருந்து 12,738 சுற்றுலாப் பயணிகளும் மற்றும் பிரான்சிலிருந்து 8,106 சுற்றுலாப் பயணிகளும் நாட்டிற்கு வருகை தந்துள்ளனர்.

இலங்கைக்குப் படையெடுக்கும் சுற்றுலாப் பயணிகள்! | Over 1 45 Million Tourists Visit Sri Lanka

இந்தச் சமீபத்திய தரவுகளின்படி, 2026 ஜனவரி முதலாம் திகதி முதல் ஆகஸ்ட் 16 ஆம் திகதி வரை இலங்கைக்கு வருகை தந்த மொத்த சுற்றுலாப் பயணிகளின் எண்ணிக்கை 1,456,725 ஆகும்.

இந்த ஆண்டின் ஒட்டுமொத்த வருகையிலும் இந்தியா தொடர்ந்து முன்னிலை வகித்து 363,585 சுற்றுலாப் பயணிகளை வழங்கியுள்ளது.

அதே நேரத்தில் ஐக்கிய இராச்சியம் 143,139 வருகைகளைப் பதிவு செய்துள்ளமை குறிப்பிடத்தக்கது.