இலங்கையில் சுற்றுலாப் பயணிகளைக் கவர்வதற்கு புதிய திட்டம்
இலங்கையின் சுற்றுலாத்துறையை மேம்படுத்தும் நோக்கில் செயற்படுத்துவதற்கு உத்தேசிக்கப்பட்டுள்ள “Pekoe trail” திட்டம் தொடர்பான முன்னேற்ற மீளாய்வுக் கூட்டம் நேற்று (19) இடம்பெற்றது.
தேசிய பாதுகாப்பு தொடர்பான அதிபரின் சிரேஷ்ட ஆலோசகரும் அதிபர் பணிக்குழாம் பிரதானியுமான சாகல ரத்நாயக்க தலைமையில் அதிபர் அலுவலகத்தில் நடைபெற்றது.
இதேவேளை “Pekoe trail” திட்டத்தின் கீழ், சுமார் 300 கிலோமீற்றர் தூரத்திற்கு சுற்றுலாப் பாதையை உருவாக்குவதற்கு எதிர்பார்க்கப்படுகின்றதாக குறிப்பிடப்பட்டது.
தேயிலை தொழில்துறையின் வளர்ச்சிக்கு
அத்துடன் இத்திட்டம் உலகளவில் பெரும் புகழைப் பெற்றுள்ளதாகவும், இலங்கையின் தேயிலை தொழில்துறையின் வளர்ச்சிக்கு இது பெரும் உறுதுணையாக அமையும் எனவும் இந்நிகழ்வில் கலந்து கொண்ட “Pekoe trail“ குழு விளக்கமளித்துள்ளது.
இலங்கையை இதுவரை சுற்றுலாத் தலமாகக் கருதாத சுற்றுலாப் பயணிகளைக் கவர்வதற்கு இத்திட்டம் உதவும் எனவும் அவர்கள் சுட்டிக்காட்டியுள்ளனர்.
இந்தப் புதிய திட்டம் தொடர்பில் சாகல ரத்நாயக்க தெரிவிக்கையில்
ரணில் விக்ரமசிங்க கவனம்
“இலங்கைக்கு மிகவும் முக்கிய திட்டமான இந்த திட்டம் தொடர்பில் அதிபர் ரணில் விக்ரமசிங்க விசேட கவனம் செலுத்தியுள்ளார்.
எனவே இத்திட்டத்தை நடைமுறைப்படுத்தும் போது ஏற்பட்டுள்ள சட்ட மற்றும் ஏனைய பிரச்சினைகள் தொடர்பில் உரிய தரப்பினருடன் கலந்துரையாடி தீர்வு காண வேண்டும்.
இத்திட்டத்தை வெற்றியடையச் செய்வதற்கு ஒன்றிணைந்து செயற்படுவது அவசியமானது.” எனத் தெரிவித்தார்.
அதற்கிணங்க, இத்திட்டம் தொடர்பில் பிரதேச தோட்டக் கம்பனிகள் மற்றும் ஏனைய துறைசார் நிறுவனங்களின் பிரதிநிதிகளுடன் கலந்துரையாடி விரைவான தீர்வுகளைப் பெற்றுக்கொள்ளுமாறு சாகல ரத்நாயக்க உரிய அதிகாரிகளுக்கு ஆலோசனை வழங்கியமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
சுழிபுரம், பிரித்தானியா, United Kingdom, மானிப்பாய், கொழும்பு, Uganda
02 Aug, 2016
யாழ். அத்தியடி, யாழ்ப்பாணம், London, United Kingdom, மெல்போன், Australia
29 Jul, 2026
