மன அழுத்தத்தில் பேராதனை பல்கலை மாணவிகள் - வெளியான அதிர்ச்சி தகவல்
உளவியல் ரீதியாக மாணவிகள் பாதிப்பு
பேராதனை பல்கலைக்கழக சுகாதார நிலையத்திற்கு கடந்த ஓகஸ்ட் மாதம் முதல் இதுவரை 140 மாணவிகள் உளவியல் ஆலோசனைக்காக வந்துள்ளதாகவும் அவர்களில் 10% பேர் வைத்தியசாலையில் அனுமதிக்கப்பட்டு சிகிச்சை பெற்று வருவதாகவும் பேராதனை பல்கலைக்கழக சுகாதார நிலையத்தின் பிரதம வைத்திய அதிகாரி சந்திம ஹேரத் தெரிவித்துள்ளார்.
மாணவர்களில் சிலர் மிகுந்த மன உளைச்சலுக்கு ஆளாகியிருப்பதாகவும், அவர்களின் உயிருக்கு ஆபத்தை ஏற்படுத்த முயன்றதாகவும் மருத்துவர் கூறினார்.
கடந்த 8 மாதங்களில் நான்கு பல்கலைக்கழக மாணவர்கள் தற்கொலைக்கு முயன்றதை அடுத்து உளவியல் ஆலோசனை சேவைகளை விரிவுபடுத்த நிர்வாகம் நடவடிக்கை எடுத்துள்ளதாகவும் வைத்தியர் தெரிவித்தார்.
வாழ்க்கையை இழக்க நேரிடும்
சமூகத்தில் மாணவர்களின் மன நிலை குலைவதற்கு பல பிரச்சனைகள் உள்ளதாகவும், தொடர்ந்து மன அழுத்தத்தில் இருக்கும் குழந்தைக்கு சரியான வழிகாட்டுதல் கிடைக்காவிட்டால், மன உளைச்சலுக்கு ஆளாகி, அவரது வாழ்க்கையை இழக்க நேரிடும் என்றும் மருத்துவர் கூறினார்.
பல்கலைக்கழக சுகாதார நிலையத்தில் சேவைகளை வழங்குவதில் மருத்துவர் பற்றாக்குறை பாரிய பிரச்சினையாக மாறியுள்ளதாகவும், ஐந்து வைத்தியர்களை கொண்ட அங்கீகரிக்கப்பட்ட ஊழியர்களில் மூன்று வைத்தியர்களே தற்போது இருப்பதாகவும் அவர் குறிப்பிட்டார்.
எந்தவொரு பல்கலைக்கழகத்தின் முன்னுரிமையும் கல்வியே என்றும், கொவிட் போன்ற ஒரு சூழ்நிலையில் சுகாதாரத் துறையின் முக்கியத்துவம் ஓரளவிற்கு எடுத்துக்காட்டப்பட்டுள்ளதாகவும், மாணவர்களின் தற்கொலை சம்பவங்கள் பதிவாகியுள்ள நிலையில்,உளவியல் ஆலோசனைக்கு. விசேட கவனம் செலுத்தப்பட்டுள்ளதாகவும் மருத்துவர் ஹேரத் மேலும் தெரிவித்தார்.
புங்குடுதீவு 10ம் வட்டாரம், கிளிநொச்சி, Lützelflüh, Switzerland
21 May, 2026
அரியாலை, கொழும்பு, Georgetown, Guyana, Edgware, United Kingdom
17 Jun, 2025
