ஆயிரக்கணக்கான ஆசிரியர்களை நியமிக்க கிடைத்த அனுமதி
தென் மாகாணத்தில் 1,417 ஆசிரியர்களை நியமிப்பதற்கு அனுமதி கிடைத்துள்ளதாக தென் மாகாண கல்வி அமைச்சின் செயலாளர் என்.கே.ஆர். பத்திரண தெரிவித்துள்ளார்.
ஊடகமொன்றுக்கு கருத்து தெரிவிக்கும் போதே அவர் மேற்கண்டவாறு தெரிவித்துள்ளார்.
அவர் மேலும் குறிப்பிடுகையில், ஆரம்பக் கட்டமாக ஆசிரியர்களில் ஒரு பகுதியினரே நியமிக்கப்படவுள்ளதுடன் ஆசிரியர் போட்டிப் பரீட்சையில் சித்தியடைந்த 1,700 இற்கும் அதிகமான பட்டதாரிகள் நேர்முகப் பரீட்சைக்குத் தகுதி பெற்றுள்ளனர்.
கல்வி அமைச்சினால் கடிதங்கள்
நேர்முகப் பரீட்சைக்குத் தகுதி பெற்ற பட்டதாரிகளுக்கு கல்வி அமைச்சினால் அழைப்புக் கடிதங்கள் அனுப்பப்பட்டுள்ளன.
இதன்போது பட்டப்படிப்புச் சான்றிதழ் உள்ளிட்ட அடிப்படைத் தகைமைகள் சரிபார்க்கப்படுவதுடன், செய்முறைப் பரீட்சையும் நடத்தப்படவுள்ளது. தென் மாகாணத்தில் 1,417 ஆசிரியர்களை நியமிப்பதற்கு அனுமதி கிடைத்துள்ளது.
எனினும், முதற்கட்டமாக இந்த எண்ணிக்கையிலான ஆசிரியர்கள் அனைவரும் நியமிக்கப்படமாட்டார்கள். நியமிக்கப்படவுள்ள ஆசிரியர்களின் எண்ணிக்கையை தற்போது உறுதியாகக் கூற முடியாது.
பெயர்ப்பட்டியல்
நியமிக்கப்படவுள்ள ஆசிரியர்களின் எண்ணிக்கையைவிட இருமடங்கானோர் நேர்முகப் பரீட்சைக்கு அழைக்கப்பட்டுள்ளனர்.
நேர்முகப் பரீட்சைக் குழுவினால் நடத்தப்படும் செய்முறைப் பரீட்சையின் மதிப்பெண்கள் பரீட்சைகள் திணைக்களத்துக்கு அனுப்பப்படும். எழுத்துப் பரீட்சை மற்றும் செய்முறைப் பரீட்சை ஆகிய இரண்டிலும் பெற்ற மதிப்பெண்கள் இணைக்கப்பட்டு, அதிக மதிப்பெண்களைப் பெற்றவர்கள் தெரிவு செய்யப்படுவார்கள்.
தெரிவு செய்யப்பட்டவர்களின் பெயர்ப்பட்டியல் இசுறுபாயவிலிருந்து கிடைத்த பின்னர், ஆசிரியர் வெற்றிடங்கள் நிலவும் பாடசாலைகளுக்கு அவர்கள் நியமிக்கப்படுவார்கள்.
மாவட்ட அல்லது பிரதேச செயலாளர் பிரிவுகளின் அடிப்படையில் ஆசிரியர்கள் தெரிவு செய்யப்படமாட்டார்கள் என தெரிவித்துள்ளார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
பருத்தித்துறை, மன்னார், Chavakacheri, புலோலி, Lewisham, United Kingdom
03 Oct, 2026
சுண்டிக்குளி, கொய்யாத்தோட்டம், யாழ்ப்பாணம், கொழும்பு, இத்தாலி, Italy, சுவிஸ், Switzerland
12 Nov, 2021
வல்வெட்டித்துறை, Chennai, India, London, United Kingdom
20 Oct, 2016
அராலி மேற்கு வட்டுகோட்டை, வேலணை 5ம் வட்டாரம், புத்தளம், Bergisch Gladbach, Germany
21 Oct, 2025
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024