நுவரெலியாவில் பாடசாலைகளை அண்மித்த பகுதிகளில் திடீர் சோதனை
நுவரெலியாவிலுள்ள 26 பாடசாலைகளிலிருந்து 500 மீற்றர் தூரத்திலுள்ள அனைத்து வர்த்தக நிலையங்களிலும் காவல் துறையினரால் விசேட தேடுதல் நடவடிக்கை முன்னெடுக்கப்பட்டடுள்ளதாக தெரிவிக்கப்பட்டுள்ளது.
அதன்படி, இன்று (02) நுவரெலியா தலைமையக காவல் நிலைய பொறுப்பதிகாரி பிரேமலால் ஹொட்டியராச்சி தலைமையில் இந்த திடீர் தேடுதல் நடவடிக்கை முன்னெடுக்கப்பட்டுள்ளது.
நாடளாவிய ரீதியில் முன்னெடுக்கப்படும் விசேட போதைப் பொருள் பரிசோதனைகளின் அடிப்படையில், பொதுமக்கள் அதிகம் கூடும் நகர்புறங்களில் உள்ள இடங்கள், வர்த்தக நிலையங்கள் மற்றும் பிரதானமாக, பாடசாலைகளை அண்மித்த பகுதிகளில் இந்த சோதனை நடவடிக்கைகள் முன்னெடுக்கப்பட்டு வருகிறது.
போதைப் பொருள் பாவனை
நுவரெலியா தலைமையக காவல் நிலையப் பொறுப்பதிகாரி தலைமையிலாக எட்டுக் குழுக்கள் அடங்கிய காவல் அதிகாரிகள் இணைந்து இந்த சோதனைகள் முன்னெடுக்கப்பட்டிருந்தன.
மாணவர்களுக்கிடையே அதிகரித்துவரும் போதைப் பொருள் பாவனையை தடுப்பதற்காக இந்த சோதனைகள் முன்னெடுக்கப்பட்டதாக காவல்துறையினர் தெரிவித்துள்ளனர்.
போதைப் பொருள் வியாபாரிகள்
தவிரவும், பாடசாலை கற்றல் நடவடிக்கைகள் ஆரம்பித்தவுடன் பாடசாலை மாணவர்களையும் சோதனையிடும் நடவடிக்கை ஆரம்பிக்கப்படும் எனவும் காவல்துறையினர் மேலும் தெரிவித்தனர்.
மேலும், போதைப் பொருள் வியாபாரிகள் மற்றும் பயன்படுத்துபவர்கள் தொடர்பில் தகவல் அறிந்து வைத்திருந்தால் உடனடியாக காவல் நிலைய பொறுப்பதிகாரிக்கு அறியதருமாறும் நுவரெலியா தலைமையக காவல் நிலையப் பொறுப்பதிகாரி பிரேமலால் ஹொட்டியராச்சி கோரியுள்ளமை குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள் |
ஊர்காவற்றுறை, Biel/Bienne, Switzerland, கொழும்பு, யாழ்ப்பாணம், வேலணை
17 Mar, 2025
கிளிநொச்சி, மதுரை, தமிழ்நாடு, India, சென்னை, India, திருகோணமலை, கொழும்பு, London, United Kingdom
28 Mar, 2026