மின்சார சபையின் அலட்சியப்போக்கு : வலுக்கும் குற்றச்சாட்டுகள்
அண்மையில் நாடு தழுவிய ரீதியில் ஏற்பட்ட மின் தடைக்கான சரியான காரணத்தைக் கண்டறிவதற்கான விசாரைணைக்குழு இன்னும் அமைக்கப்படவில்லை என மின்சார சபையின் மீது குற்றம் சுமத்தப்பட்டுள்ளது.
கடந்த 09 ஆம் திகதியன்று நாடு முழுவதும் ஏற்பட்ட மின் தடைக்கு பல்வேறு காரணங்கள் முன் மொழியப்பட்டாலும் சரியான கரணம் என்னவெனபது இதுவரை கேள்விக்குறியாகவே உள்ளதாக தெரிவிக்கப்படுகிறது.
மின்னல் தாக்கம் காரணமாக கொத்மலையில் இருந்து பியகம வரையிலான மின் விநியோகப் பாதையில் ஏற்பட்ட கோளாறு காரணமாக தற்போது மின்தடை ஏற்பட்டுள்ளதாக தெரிவிக்கப்படுகின்றது.
நாடு முழுவதும் மின்தடை
அந்த நேரத்தில், மின்வடம் சுமார் 500 மெகாவாட்டைக் கொண்டு சென்றதாகவும், அந்த நேரத்தில் நாட்டின் மொத்த தேவை 1500 மெகாவாட்டாக இருந்ததாகவும் தெரிவிக்கப்பட்டது.
வரியின் ட்ரிப்பிங்கானது விநியோகத்தில் மூன்றில் ஒரு பங்கு இழப்புக்கு வழிவகுத்தது, இது சுமைகளை வழங்கும் பிற ஜெனரேட்டர்களால் தாங்கக்கூடிய வரம்புகளுக்குக் கீழே அதிர்வெண்ணின் கீழ் காணப்பட்டுள்ளது, இதன் விளைவாக, இந்த ஜெனரேட்டர்களும் செயலிழந்ததால், நாடு முழுவதும் மின்தடை ஏற்பட்டது என்றும் கூறப்பட்டது.
பின்னர், மின்சாரம் தடைப்பட்டமை தொடர்பில் விசாரணை நடத்தப்படும் என இலங்கை மின்சார சபையின் பேச்சாளர் நோயல் பிரியந்த தெரிவித்திருந்தார்.
ஆனால் இன்னும் அதற்கான வேலைப்பாடுகள் நடந்தபாடில்லை என பல்வேறு தரப்பிலிருந்தும் குற்றம் சுமத்தப்பட்டு வருகிறது.
மின்சார சபையின் அலட்சியம்
இந்த தாமதம் குறித்து வினவியபோது, குழுவை நியமிப்பதற்காக பெயர்கள் அனுப்பப்பட்டுள்ளதாக திரு.பிரியந்த தெரிவித்துள்ளமை மின்சார சபையின் அலட்சியத்தால் மின்தடை ஏற்பட்டதா என்ற சந்தேகத்தை எழுப்பும் விதமாக இருப்பதாகவும் உள்ளது.
அதுமாத்திரமன்றி, கடந்த 2020ஆம் ஆண்டின் டிசம்பரில் இதேபோன்று நாடு தழுவிய அளவில் மின் தடையை இலங்கை சந்தித்த,போது நாசவேலை நடந்ததாக சந்தேகிக்கப்பட்டது, அந்த விடயம் தொடர்பிலும் விசாரிக்க ஒரு உயர்மட்ட குழு நியமிக்கப்பட்டது,
அப்போது மேலும் நாடு தழுவிய மின்வெட்டைத் தடுக்க அந்தக் குழுவினால் பரிந்துரைகள் முன்வைக்கப்பட்ட போதும் அவை செயற்படுத்தப்படாமல் இருப்பதும் குறிப்பிடத்தக்கது.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
விடுதலைப் புலிகளை வணங்கிய சிங்களவர்கள் ! 22 மணி நேரம் முன்
இனவாதம் வாழ்வது வடக்கு கிழக்கில் இல்லை… தென்னிலங்கையில்தான்…
5 நாட்கள் முன்
புங்குடுதீவு 2ம் வட்டாரம், புங்குடுதீவு 12ம் வட்டாரம், வவுனியா, Paris, France
13 Nov, 2024
புங்குடுதீவு 8ம் வட்டாரம், முள்ளியவளை
11 Dec, 2021
வேலணை மேற்கு, புங்குடுதீவு 2ம் வட்டாரம், பிரான்ஸ், France
09 Dec, 2016
