ரணிலின் தோல்வி நாட்டினை பாதிக்கும்! விளக்கும் பிரசன்ன ரணதுங்க

Ranil Wickremesinghe Sri Lanka Economic Crisis Prasanna Ranatunga

By Aadhithya Sep 02, 2024 03:07 PM GMT

Aadhithya

in அரசியல்

Report

எதிர்வரும் ஜனாதிபதித் தேர்தலில் ரணில் விக்ரமசிங்கவை (Ranil Wickremesinghe) தோற்கடிக்க எவரேனும் சிந்தித்தால், நாட்டைக் கட்டியெழுப்ப ஒருவரைத் தேட வேண்டும் என நகர அபிவிருத்தி மற்றும் வீடமைப்பு அமைச்சர் பிரசன்ன ரணதுங்க (Prasanna Ranatunga) தெரிவித்துள்ளார்.

வார இதழொன்றுக்கு வழங்கிய நேர்காணலின்போதே அவர் மேற்கண்டவாறு குறிப்பிட்டுள்ளார்.

அவர் தொடர்ந்து தெரிவிக்கையில், “பெரும்பான்மையான மக்கள் ஜனாதிபதி ரணில் விக்ரமசிங்கவின் வெற்றிக்காக அமைதியாக அணிவகுத்து நிற்கின்றார்கள்என்று நான் உறுதியாக நம்புகிறேன்.

ஜனாதிபதித் தேர்தல்

நாடு வெற்றி பெற வேண்டுமானால் அனைவரும் அவருக்கு வாக்களித்து வெற்றி பெறச் செய்ய வேண்டும். ரணிலை தோற்கடிக்க நினைக்கும் ஒவ்வொரு முறையும், தோற்பது அவர் அல்ல, நாமும் நமது நாடும் தான் என்பதை நினைவில் கொள்ளுங்கள்.

ரணிலின் தோல்வி நாட்டினை பாதிக்கும்! விளக்கும் பிரசன்ன ரணதுங்க | Prasanna Majority Supports Ranil S Victory

ரணிலை தோற்கடிக்க ஒவ்வொரு முறையும் நீங்கள் வாக்களிக்கும் போதும் நாளைய பாதாளத்தில் இருந்து நாட்டையும் உங்களையும் காப்பாற்ற சரியான நேரத்தில் வேறு யாரையாவது கண்டுபிடிக்க மறக்காதீர்கள்.

ஏனெனில் இன்று ஜனாதிபதித் தேர்தலில் போட்டியிடுகின்றவர்கள் எவரும், உங்களுக்கும், நாட்டுக்கும் பிரச்சினை ஏற்பட்ட போது அடைக்கலத்திற்கு வந்தவர்கள் இல்லை” என குறிப்பிட்டுள்ளார்.