மக்கள் விரும்பத்தகாத பல தீர்மானங்கள் எடுக்கப்படும் -கோட்டாபய பகிரங்க அறிவிப்பு (படம்)
பூகோள பொருளாதார சவால்களை வெற்றிகொண்டு நாட்டை சுபீட்சத்தை நோக்கி கொண்டு செல்வதற்கு எதிர்காலத்தில் மக்கள் விரும்பத்தகாத பல தீர்மானங்களை எடுக்க வேண்டியிருக்கும் என அரச தலைவர் கோட்டாபய ராஜபக்ஷ(Gotabaya rajapaksha) தெரிவித்துள்ளார்.
விமர்சனங்கள் இருந்தபோதிலும், எதிர்வரும் காலங்களில் நாடும் மக்களும் இதன் பலனை அனுபவிப்பார்கள் என அவர் தெரிவித்தார்.
அனைவரும் நாட்டைப் பற்றி சிந்தித்து புரிந்துணர்வுடன் செயற்பட வேண்டும் எனவும் அவர் கேட்டுக் கொண்டார்.
பண்டாரநாயக்க ஞாபகார்த்த சர்வதேச மாநாட்டு மண்டபத்தில் இன்று (26) பிற்பகல் இடம்பெற்ற 'அரச தலைவர் ஏற்றுமதி விருதுகள் வழங்கும் விழாவில்' கலந்துகொண்டு உரையாற்றும்போதே கோடட்டாபய இதனைத் தெரிவித்தார். அவர் தனதுரையில் மேலும் தெரிவிக்கையில்,
“கடந்த ஆண்டு முதல் நடைமுறையில் இருந்த சில இறக்குமதிக் கட்டுப்பாடுகள் போன்ற கொள்கைத் தலையீடுகளின் பலனை நாடு இன்று அனுபவித்து வருகிறது. இது புதிய உள்ளூர் தொழில்களின் வளர்ச்சிக்கான இடத்தை உருவாக்கியுள்ளது. இந்தப் புதிய தொழில்களுக்கு முன்னுரிமையளித்து, குறுகிய கால இலாபம் ஈட்டுவதற்குப் பதிலாக, உலக அளவில் போட்டியிடக்கூடிய தரமான பொருட்களை உற்பத்தி செய்ய தொழிலதிபர்கள் உழைக்க வேண்டும்.
இலங்கைக்கு அதற்கான தனித்துவமான ஆற்றல் உள்ளது. பசுமை வேளாண் பொருட்கள் மற்றும் செயலாக்கத் துறைகளில் முதலீடு செய்வதற்கான தனித்துவமான வாய்ப்புகள் உள்ளன. மற்றும் தயாரிப்புகளுக்கு புதிய ஏற்றுமதி சந்தை வாய்ப்புகள் உள்ளன. இலங்கையில் பெறுமதி சேர்க்கப்பட்ட பொருட்கள் உலக சந்தைக்கு ஏற்றுமதி செய்யப்பட்டால், மேலும் பல ஏற்றுமதிகள் நாட்டில் பொருளாதார பெறுமதியை உருவாக்க முடியும் எனத் தெரிவித்தார்.
இந்த விருது வழங்கும் நிகழ்வில் வர்த்தக அமைச்சர் கலாநிதி பந்துல குணவர்தனவும் கலந்துகொண்டார்.
ஏற்றுமதி மேம்பாட்டு வாரியம் 1981 இல் 'பிரசிடென்ஷியல் எக்ஸ்போர்ட் விருதுகளை' அறிமுகப்படுத்தியது மற்றும் இந்த ஆண்டு அதன் 24 வது விருதுகளை நடத்தியது. இலங்கையில் ஏற்றுமதியாளர் ஒருவர் பெறக்கூடிய உயரிய மற்றும் தனித்துவமான விருது இதுவாகும்.
மேலும் ஏற்றுமதி துறையின் வளர்ச்சிக்கு பெரும் பங்களிப்பை வழங்கிய ஏற்றுமதியாளர்களுக்கு அரச தலைவர் விருதுகள் வழங்கப்படுகின்றன. இந்த ஆண்டு, இலங்கையின் 63 சிறந்த ஏற்றுமதி நிறுவனங்கள் 2019/20 மற்றும் 2020/21 நிதியாண்டுகளுக்கான விருதைப் பெற்றுள்ளன. ஓய்வு பெற்ற உச்ச நீதிமன்ற நீதிபதி தலைமையிலான நீதிபதிகள் குழுவால் விருது பெற்றவர்கள் தேர்வு செய்யப்பட்டனர்.
நாரந்தனை, பிரான்ஸ், France, Mitcham, United Kingdom
06 Jan, 2026
அப்புத்தளை, சங்குவேலி, பருத்தித்துறை, வவுனியா, Auckland, New Zealand, சிட்னி, Australia
21 Jan, 2025
வல்வெட்டி, தெல்லிப்பளை, வட்டுக்கோட்டை, கொழும்பு, Toronto, Canada
21 Dec, 2025
புங்குடுதீவு 8ம் வட்டாரம், Montreal, Canada, Toronto, Canada, வவுனியா
21 Jan, 2022
புங்குடுதீவு 12ம் வட்டாரம், கிளிநொச்சி, Eastham, United Kingdom, பேர்ண், Switzerland
20 Jan, 2022
திருகோணமலை, Erlalai, புங்குடுதீவு, கட்டுவன், மட்டக்களப்பு, கனடா, Canada
20 Jan, 2016
