தவறு என்றால் என்னை தூக்கிலிடுங்கள் முன்னாள் அமைச்சர் கொதிப்பு

Ampara Wimal Weerawansa Kidney Disease Money Nalinda Jayatissa

By Jaso Dec 23, 2024 10:14 AM GMT

Jaso

in அரசியல்

Report

தனது சிறுநீரக மாற்று சத்திரசிகிச்சைக்காகவே ஜனாதிபதி நிதியத்திலிருந்து ரூபா30 இலட்சம் பணம் பெற்றுக்கொண்டதாகவும் அது தவறு எனில் தன்னை தூக்கிலிடுமாறும் முன்னாள் அமைச்சர் விமலவீர திஸாநாயக்க(wimalaweera dissanayake) கோபாவேசமாக தெரிவித்துள்ளார்.

அண்மையில் அமைச்சர் நலிந்த ஜயதிஸ்ஸ(nalinda jayatissa), ஜனாதிபதி நிதியத்திலிருந்து பணம் பெற்ற அரசியல்வாதிகளின் பெயரை நாடாளுமன்றில் வெளியிட்டார்.இதில் ஆகக்கூடுதலான தொகையை முன்னாள் பிரதமர் டி.எம்.ஜயரத்ன பெற்றுக்கொண்டதாகவும் அவர் தெரிவித்தார் .

ஏழையான நான் ஏன் பணமெடுத்தேன்

இவ்வாறு பணம் பெற்றுக்கொண்ட அரசியல்வாதிகளில் முன்னாள் அமைச்சர் விமலவீர திஸாநாயக்கவும் ஒருவர். இந்த பெயர் பட்டியல் வந்த நிலையிலேயே தான் எதற்காக பணம் பெற்றேன் என்பதை தெரிவித்துள்ளார்.இது தொடர்பில் அவர் தொடர்ந்தும் கருத்து தெரிவிக்கையில்;

தவறு என்றால் என்னை தூக்கிலிடுங்கள் முன்னாள் அமைச்சர் கொதிப்பு | Presidential Finance Wimalaweera Dissanayake

“என்னைப் போன்ற ஏழை ஒருவர் சிறுநீரகம் மாற்று அறுவை சிகிச்சை செய்யவே ஜனாதிபதி நிதியில் இருந்து 30 லட்சம் எடுத்தேன். தவிர, அந்த முப்பது லட்சமும் எனது வங்கிக் கணக்கிலோ அல்லது எனது குடும்பத்தினரின் வங்கிக் கணக்கிலோ வரவு வைக்கப்படவில்லை. எனது சிறுநீரக சத்திரசிகிச்சை செய்த வத்தளை தனியார் வைத்தியசாலைக்கு தான் அந்தப் பணம் அனைத்தும் செலுத்தப்பட்டது.

முப்பது லட்சத்தில் சிறுநீரக மாற்று அறுவை சிகிச்சை செய்ய முடியாது

முப்பது லட்சத்தில் சிறுநீரக மாற்று அறுவை சிகிச்சை செய்ய முடியாது என்பது யாருக்கும் தெரியும். கடைசியாக, அறுவை சிகிச்சை முடிந்து மூன்று மாதங்கள் மருத்துவமனையில் இருந்தபோது, மருத்துவமனை கட்டணம் மட்டும் ஒரு கோடி. பத்து மில்லியன். எனது காரை விற்றதன் மூலம் அந்தக் கட்டணத்தைக் கட்டினேன்.

நான் வாங்கிய காசுக்காக எல்லோரும் கூச்சல் போடுகிறார்கள். ஆனால் நான் தலையிட்டு எத்தனை நோயாளர்களுக்கு ஜனாதிபதி நிதியில் இருந்து பணம் பெற்றுக்கொடுத்துள்ளேன். நான் நாடாளுமன்ற உறுப்பினராக வந்து ஒரு மோசடி கூட செய்தவன் அல்ல. குறைந்த பட்சம் ஒரு கொசு கூட கொல்லப்படவில்லை. அப்படிப்பட்டவருக்கு இப்படி பணம் கொடுப்பது கிரிமினல் குற்றம் என்றால், என்னை தூக்கிலிடுங்கள்…” என தெரிவித்துள்ளார்.