கிளிநொச்சியில் உயிரிவிட்ட சிறுமி சமரழகி - காவல்துறையினருக்கு எதிராக வெடித்த போராட்டம்

Sri Lanka Police Kilinochchi Cyber Attack Crime Protest

By Independent Writer Oct 07, 2026 06:21 AM GMT

Independent Writer

in சமூகம்

Report

கிளிநொச்சியில் சிறுமி சமரழகியின் மரணத்திற்கு காரணமான சந்தேக நபரை காவல்துறையினர் கைது செய்து நடவடிக்கை எடுக்கவில்லை எனத் தெரிவித்து போராட்டம் வெடித்துள்ளது.

குறித்த கவனயீர்ப்பு போராட்டமானது இன்றைய தினம் (07-10-2026) 9.00 மணிக்கு, கிளிநொச்சி A-09 வீதியில் பொது அமைப்புகளின் ஏற்பாட்டில் முன்னெடுக்கப்பட்டுள்ளது.

பழைய மாவட்டச் செயலகம் முன்பாக ஆரம்பமான பேரணி புதிய மாவட்ட செயலகத்தை சென்றடைந்து பேரணியின் இறுதியில் சிறுமியின் மரணத்திற்கு உரிய விசாரணை மேற்கொள்ள வலியுறுத்தி மகஜர் ஒன்றும் கையளிக்கப்பட்டுள்ளது.

சமரழகியின் சாவு கடைசியாக

கிளிநொச்சி உருத்திரபுரம் பகுதியில் 17 வயதான சசிதரன் சமர்அழகி எனும் சிறுமி தவறான முடிவெடுத்து உயிரிழந்தார். சிறுவர் தினத்தில் இந்த துயர சம்பவம் இடம்பெற்றுள்ளது.

கிளிநொச்சியில் உயிரிவிட்ட சிறுமி சமரழகி - காவல்துறையினருக்கு எதிராக வெடித்த போராட்டம் | Public Protest Against Police In Kilinochchi

உயிரிழந்த சிறுமி எழுதியதாகக் கூறப்படும் ஒரு கடிதம் சமூக வலைத்தளங்களிலும் பொதுமக்கள் மத்தியிலும் பெரும் அதிர்வலைகளை ஏற்படுத்தியுள்ளது.

இந்நிலையில் கிளிநொச்சியில் சமரழகியின் சாவு கடைசியாக இருக்கட்டும்! நாளை சிறிலங்கா காவல்துறைக்கும், சிறுவர் பெண்கள் பாதுகாப்பு பிரிவிற்கும், போதை ஒழிப்பு பிரிவிற்கும், அரசிற்கும் மக்கள் உரத்துச் சொல்லும் செய்தியாக இருக்க வேண்டும் எனவும் வலியுறுத்தப்பட்டுள்ளது.

மரண வாக்குமூலம்

இதேவேளை சமரழகியின் மரண வாக்குமூலத்தில் காரணம் தெளிவாக குறிப்பிட்டிருந்தது.

இந்நிலையில், அது தொடர்பில் முறையாக விசாரணை செய்யாமல் சந்தேக நபர் விடுவிக்கப்பட்டமையால், விசாரணைக்கு வந்த சம்மந்தப்பட்ட காவல்துறையினர் மீதும் மாவட்ட குற்றத்தடுப்பு பிரிவிலும் கடந்த 05 ம் திகதி முறைப்பாடு செய்யப்பட்டுள்ளது.