முல்லைத்தீவில் குடும்பஸ்தர் அடித்துக்கொலை: இராணுவ சிப்பாய் கைது(படங்கள்)

Sri Lanka Army Sri Lanka Police Mullaitivu Sri Lanka Police Investigation Northern Province of Sri Lanka

By Shadhu Shanker Oct 29, 2023 05:01 AM GMT

Shadhu Shanker

in சமூகம்

Report

முல்லைத்தீவு புதுக்குடியிருப்பு காவல்துறை பிரிவிற்கு உட்பட்ட பகுதியில் குடும்பஸ்தர் ஒருவர் அடித்து படுகொலை செய்யப்பட்டுள்ளதாக காவல்துறையினர் தெரிவித்துள்ளனர்.

குறித்த சம்பவமானது கைவேலி மயில்குஞ்சன் குடியிருப்பில் நேற்று(28) இரவு 11 மணியளவில் இடம்பெற்றுள்ளது.

இந்த கொலை சம்பவத்துடன் தொடர்புடையதாக கூறப்படும் சந்தேக நபர் காவல்துறையினரால் கைது செய்யப்பட்டுள்ளார். குறித்த சந்தேக நபர் இராணுவத்தில் பணியாற்றுபவர் என்பது குறிப்பிடத்தக்கது.

முல்லைத்தீவில் குடும்பஸ்தர் அடித்துக்கொலை: இராணுவ சிப்பாய் கைது(படங்கள்) | Pudhukudiyiruppu Family Man Death

தடியால் சரமாரியாக

குறித்த கிராமத்தில் சட்டவிரோத மதுபாவனை அதிகரித்து வருவதால் இராணுவத்தினர் முகாமிட்டுள்ள நிலையில், முகாமிலிருந்து அகற்றப்படும் இரும்புகளை விற்பனை செய்யும் போது பண பரிமாற்றத்தில் ஏற்பட்ட தகராறு காரணமாகவே இந்த கொலை சம்பவம் இடம்பெற்றுள்ளது.

கைது செய்யப்பட்ட சந்தேக நபர் உயிரிழந்த நபரை தடியாலும் கோடரியாலும் சரமாரியாக தாக்கியதாக தெரிவிக்கப்படுகின்றது.

மேலதிக விசாரணை

அதன் பின்னர் காவல்துறையினரின் பாதுகாப்புடன் சிகிச்சைக்காக முல்லைத்தீவு மாவட்ட மருத்துவமனையில் அனுமதிக்கப்பட்ட பின்னரே அவர் உயிரிழந்துள்ளார்.

மேலும் உயிரிழந்தவரின் சடலம் முல்லைத்தீவு மாவட்ட மருத்துவமனையில் வைக்கப்பட்டுள்ளதுடன், இந்த சம்பவம் தொடர்பான மேலதிக விசாரணைகளை புதுக்குடியிருப்பு காவல்துறையினர் மேற்கொண்டு வருகின்றனர்.