ஜனாதிபதியின் கொள்கைக்கு மாறாக சுனில் வட்டகல கருத்து!

தேசிய மக்கள் சக்தி (NPP) அரசாங்கத்தின் முக்கிய பிரதிநிதிகளுக்கு இடையே கொள்கை ரீதியான ஒருங்கிணைப்பு இல்லை என்பதை அண்மைக்கால அறிக்கைகள் வெளிப்படுத்துகின்றன.

பயங்கரவாத எதிர்ப்பு மற்றும் ஒழுங்கமைக்கப்பட்ட குற்றச் செயல்களுக்கு எதிரான இரண்டு சர்ச்சைக்குரிய சட்ட மூலங்கள் தொடர்பில் இரு வேறு நிலைப்பாடுகளுடன் கட்சி செயற்படுவதாகவும் கூறப்படுகிறது.

அண்மையில் தென்னிலங்கை பத்திரிகை ஒன்றுக்கு பொதுமக்கள் பாதுகாப்பு பிரதி அமைச்சர் சுனில் வட்டகல வெளியிட்ட கருத்துக்கள் தொடர்பிலேயே இந்த வாதங்கள் எழுந்துள்ளன.

அநுரவின் கைகளை சென்றடையவுள்ள இரகசிய தீர்மானம்!

மூன்றில் இரண்டு பங்கு பெரும்பான்மை 

பயங்கரவாத எதிர்ப்பு மற்றும் ஒழுங்கமைக்கப்பட்ட குற்றச் செயல்களுக்கு எதிரான இரண்டு சர்ச்சைக்குரிய சட்ட மூலங்களையும் அரசாங்கம் நாடாளுமன்றத்தில் கண்டிப்பாக நிறைவேற்றியே தீரும் என வட்டகல குறிப்பிட்டிருந்தார்.

அரசாங்கத்திற்கு நாடாளுமன்றத்தில் மூன்றில் இரண்டு பங்கு பெரும்பான்மை பலம் உறுதியாக உள்ளதால், இந்த சட்டங்களை நிறைவேற்றுவதில் தங்களுக்கு எந்தத் தடையும் இல்லை என்ற தொனியில் அவரது கருத்துக்கள் வெளிப்படுத்தப்பட்டிருந்தது.

இருப்பினும், இந்த சட்ட மூலங்கள் தொடர்பாக ஜனாதிபதி முற்றிலும் மாறுபட்ட, ஜனநாயகப் போக்கிலான கருத்தொன்றை வெளிப்படுத்தியுள்ளார்.

அதாவது பொதுமக்களுடனும் சிவில் அமைப்புகளுடனும் உரிய முறையில் கலந்துரையாடி, அவர்களின் கருத்துக்களைப் பெறாமல் தன்னிச்சையாக எந்தவொரு புதிய சட்டத்தையும் அரசாங்கம் நிறைவேற்றாது என ஜனாதிபதி தரப்பு சுட்டிக்காட்டியுள்ளது.

இலங்கையில் இருந்து ஏவப்பட்ட செயற்கைகோளுக்கும் நிலக்கரி இறக்குமதி மோசடிக்கும் தொடர்பு

மக்களின் அதிகாரத்திற்கு மதிப்பு

ஜனாதிபதி மக்களின் அதிகாரத்திற்கு மதிப்பளித்து இணக்கப்பாட்டு அரசியலை முன்வைக்கும் வேளையில், அவரது அமைச்சின் பிரதி அமைச்சர் தங்களுக்கு இருக்கும் பெரும்பான்மை பலத்தை மட்டும் வைத்துக்கொண்டு சட்டங்களை கட்டாயம் நிறைவேற்றுவோம் எனக் கூறுவது முற்றிலும் முரண்பாடானது என சமூக அமைப்புக்களும் ஊடகவியலாளர்களும் கவலை வெளியிட்டுள்ளனர்.

குறித்த இருவரும் ஒரே அமைச்சரவையில் அல்லது ஒரே அரசாங்கக் கொள்கையின் கீழ்தான் இயங்குகிறார்களா? என கேள்வியும் எழுப்பப்படுகிறது.

அரசாங்கம் தனக்கு கிடைத்துள்ள 'மூன்றில் இரண்டு' பெரும்பான்மை அதிகாரப் பலத்தை மக்கள் கருத்துக்கு அப்பால் தன்னிச்சையாகப் பயன்படுத்தத் தொடங்கிவிட்டதா என்ற தீவிர சந்தேகத்தையும் மக்கள் மத்தியில் தோற்றுவித்துள்ளதாக விசனம் தெரிவிக்கப்பட்டுள்ளது.

சத்தியாக்கிரகப் போராட்டத்தில் ஈடுபட்ட நபர் போதைப்பொருள் பயன்படுத்தியது உறுதி