இலங்கையில் கண்டுபிடிக்கப்பட்ட அரியவகை ஆந்தை
Sumithiran
in பொழுதுபோக்கு
உலக பாதுகாப்பு நிலையின்படி பிரவுன் வுட் ஆந்தை ((Strix leptogrammica)) என்று அழைக்கப்படும் ஒரு அரிய வகை ஆந்தை குஞ்சு ஒரு தோட்டத்தில் விழுந்து கிடந்த நிலையில் மீட்கப்பட்டதாக சுற்றுச்சூழல் ஆர்வலர் லட்சுமன் குமார தெரிவித்தார்.
இலங்கையில்(sri lanka) தாழ்நில ஈரநிலப் பகுதிகள், காடுகள் நிறைந்த மலைகள், சிங்கராஜா காடுகள், போதிநகர, உடவத்த மற்றும் திஸ்ஸமஹாராம போன்ற பகுதிகளில் இந்த பருந்து இனம் பதிவாகியுள்ளதாக அவர் கூறினார்.
இது ஒரு நடுத்தர அளவிலான பறவை
இந்த நாட்டில் உள்ள பருந்துகளில் இது ஒரு நடுத்தர அளவிலான பறவை என்றும், முழுமையாக வளர்ந்தபோது 45-56 சென்டிமீட்டர் உடல் அளவும், 1.8 முதல் 2.3 கிலோகிராம் வரை எடையும், ஒரு ஜோடி ஆழமான கருப்பு பிரகாசமான கண்களும் கொண்டதாகவும் அவர் குறிப்பிட்டார்.
உணவுக்காகப் போட்டியிடும் மற்ற குட்டிகளுக்கு மத்தியில் இந்தக் குட்டி தரையில் விழுந்திருக்கலாம் என்றும், இதுபோன்ற சந்தர்ப்பங்களில், அத்தகைய குட்டிகள் பெரும்பாலும் வேறொரு விலங்குக்கு இரையாகின்றன அல்லது பட்டினியால் இறக்கின்றன என்றும் குமார கூறினார்.
ரந்தெனிகல வனவிலங்கு மையத்திற்கு அனுப்ப நடவடிக்கை
சுற்றுச்சூழல் ஆர்வலர் லக்ஷ்மன் குமார மேலும் கூறுகையில், தான் கண்டுபிடித்த இந்த ஆந்தையை பாதுகாக்கவும், பேராதனை பல்கலைக்கழக கால்நடை மருத்துவமனை மூலம் ரந்தெனிகல வனவிலங்கு மையத்திற்கு அனுப்பவும் நடவடிக்கை எடுத்துள்ளதாக தெரிவித்தார்.
| செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
நெடுந்தீவு, முரசுமோட்டை, Vancouver, Canada, Mississauga, Canada
19 May, 2024
