எரிபொருள் விலை அதிகரிப்பு : காரணத்தை அம்பலப்படுத்திய நாமல்

Fuel Price In Sri Lanka Namal Rajapaksa Sri Lankan Peoples Election

By Sathangani Jun 03, 2026 10:59 AM GMT

Sathangani

in சமூகம்

Report

இலங்கையில் எரிபொருள் விலை உயர்வுக்கான காரணங்கள் குறித்து சிறிலங்கா பொதுஜன பெரமுனவின் தேசிய அமைப்பாளரும் நாடாளுமன்ற உறுப்பினருமான நாமல் ராஜபக்ச குற்றச்சாட்டை முன்வைத்துள்ளார்.

அதன்படி, நிலக்கரி இறக்குமதி மற்றும் மின் உற்பத்தியில் இடம்பெற்றுள்ள ஊழல், முறைகேடுகள் மற்றும் முறையற்ற நிர்வாகமே இந்த விலை உயர்வுக்கான நேரடிக் காரணம் என அவர் மேலும் சுட்டிக்காட்டினார்.

நுகேகொடையில் நடைபெற்ற ஊடகவியலாளர் சந்திப்பில் கலந்துகொண்டு கருத்து வெளியிட்டபோதே அவர் இதனைக் குறிப்பிட்டுள்ளார்.

மாகாண சபை தேர்தலை நடத்துதல்

இங்கு அவர் மேலும் தெரிவிக்கையில், தரம் குறைந்த நிலக்கரி இறக்குமதி காரணமாக மின் உற்பத்திக்காக நாளொன்றுக்கு மேலதிகமாக 7 இலட்சம் முதல் 8 இலட்சம் லீற்றர் எரிபொருளைப் பயன்படுத்த வேண்டிய நிலை ஏற்பட்டுள்ளது.

எரிபொருள் விலை அதிகரிப்பு : காரணத்தை அம்பலப்படுத்திய நாமல் | Reason For Fuel Price Increase In Sri Lanka Namal

அரசாங்கத்தின் இந்த தவறுகளுக்கான சுமையை, எரிபொருள் விலை உயர்வு மூலம் பொதுமக்கள் மீது அரசாங்கம் சுமத்துகின்றது.

மாகாண சபைகளின் அதிகாரம் மற்றும் நிதி முகாமைத்துவம் ஆகியவை ஜனாதிபதியால் நியமிக்கப்பட்ட அரசியல் பிரதிநிதிகள் வசம் ஒப்படைக்கப்பட்டுள்ளது.

அதற்குப் பதிலாக தேர்தலை நடத்தி மக்களால் தெரிவு செய்யப்பட்ட பிரதிநிதிகளிடம் அதிகாரங்களை வழங்குவதே சிறந்தது. அரசாங்கத்தின் ஊழல்களையும், நிர்வாகத் திறமையின்மையையும் எதிர்க்கட்சி தொடர்ந்து வெளிச்சத்திற்குக் கொண்டு வரும்“ என நாமல் ராஜபக்ச தெரிவித்தார்.