இந்திய கப்பல்களுக்கு ஈரான் கொடுத்த வாய்ப்பு! காரணத்தை வெளியிட்ட ஜெய்ஷங்கர்
ஈரானுடன் நடைபெற்ற நேரடி பேச்சுவார்த்தைகள் ஹார்முஸ் ஜலசந்தி வழியாக இந்திய கப்பல்கள் பாதுகாப்பாகச் செல்ல உதவியுள்ளதாக இந்திய வெளியுறவுத் துறை அமைச்சர் சுப்ரமணியம் ஜெய்ஷங்கர் தெரிவித்துள்ளார்.
இந்தியா மற்றும் ஈரான் இடையிலான பேச்சுவார்த்தைகளின் விளைவாக இந்தியக் கொடி ஏந்திய இரண்டு எரிவாயு டேங்கர் கப்பல்கள் கடந்த சனிக்கிழமை ஹார்முஸ் ஜலசந்தியை வெற்றிகரமாகக் கடந்து சென்றதாக அவர் குறிப்பிட்டுள்ளார்.
நல்ல முடிவுகள்
“நான் தற்போது அவர்களுடன் தொடர்ந்து பேச்சுவார்த்தையில் ஈடுபட்டு வருகிறேன். அந்த பேச்சுவார்த்தைகள் சில நல்ல முடிவுகளைத் தந்துள்ளன,” என்று ஜெய்ஷங்கர் கூறியுள்ளார்.
இந்தியாவில் வீடுகளில் பயன்படுத்தப்படும் திரவ பெட்ரோலிய வாயு (LPG) தேவையின் சுமார் 60 சதவீதம் இறக்குமதி செய்யப்படுகிறது.
அந்த இறக்குமதிகளில் சுமார் 90 வீதம் சவூதி அரேபியா மற்றும் ஐக்கிய அரபு அமீரகம் போன்ற வளைகுடா நாடுகளிலிருந்து வருகிறது. இவ்வகை எரிவாயு பெரும்பாலும் ஹார்முஸ் ஜலசந்தி வழியாகவே கப்பல்களில் கொண்டு வரப்படுகிறது.
33 கோடி குடும்பங்கள்
இந்தியாவில் 33 கோடிக்கும் மேற்பட்ட குடும்பங்கள் சமையலுக்காக LPG சிலிண்டர்களை நம்பி வாழ்கின்றன.
இதற்கிடையில், எரிவாயு விநியோகம் பாதிக்கப்படலாம் என்ற அச்சத்தால் இந்தியாவின் பல நகரங்களில் சமையல் எரிவாயு விற்பனை மையங்களின் முன்பு நீண்ட வரிசைகள் காணப்படுவதாக சமூக ஊடகங்களில் காணொளிகள் பரவி வருகின்றன.
சில உணவகங்கள் எரிவாயு பற்றாக்குறை காரணமாக தற்காலிகமாக மூடப்பட்டுள்ளதாகவும் தகவல்கள் வெளியாகியுள்ளன.
செய்திகளை உடனுக்குடன் தெரிந்து கொள்ள IBC தமிழ் WHATSAPP CHANNEL இல் இணைந்து கொள்ளுங்கள்...! |
மானிப்பாய், Florida, United States, Southgate, United Kingdom
24 Sep, 2026
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
